ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

الماتىدا «ۆەنا بالى» فورماتىندا سوڭعى قوڭىراۋ ءوتتى

26 مامىر 2022 53
 

بۇگىن الماتىدا «ۆەندىك بال» فورماتىندا سوڭعى قوڭىراۋ ءوتتى. «Zerde» مەكتەبىنىڭ 15 جىلدىق مەرەيتويى اياسىندا ۇيىمداستىرىلعان شاراعا 400 وقۋشى قاتىستى.



مەكتەپتىڭ نەگىزىن قالاۋشىسى گاۋحار نۇروۆانىڭ ايتۋىنشا، جاقىندا تاعى ءبىر قازاق ءتىلدى زاماناۋي جاڭا مەكتەپ اشىلادى.

«Zerde» مەكتەبىنىڭ اشىلۋىنا تۇڭعىش بالامىز اسەر ەتتى.  ونى الماتىداعى جەكەمەنشىك مەكتەپتەردىڭ بىرىنە ورنالاستىردىق. وكىنىشكە قاراي، كەيىن ول جابىلىپ قالدى.  بالامنىڭ سىنىپ جەتەكشىسى بىزگە جەكەمەنشىك مەكتەپ اشۋعا كەڭەس بەردى. اقىلداسا كەلە، جولداسىم ەكەۋىمىز يدەيانى جۇزەگە اسىرۋدى ءجون كوردىك. بۇگىندە «Zerde» مەكتەپ-گيمنازياسى ەلىمىزدىڭ ءبىلىم بەرۋ نارىعىندا ءوز ورنى بار وقۋ ورنىنا اينالدى. جاقىندا جاڭا قازاق ءتىلدى جاڭا مەكتەپ اشۋدى جوسپارلار وتىرمىز»، – دەدى مەكتەپتىڭ دامۋ جونىندەگى ديرەكتورى.

بيىل قىركۇيەك ايىندا ىسكە قوسىلاتىن «Zaman school» مەكتەبى «Zerde» مەكتەبىنىڭ ءداستۇرىن جالعاستىراتىن ءبىلىم بەرۋ ۇيىمى بولماق. مەكتەپ ديرەكتورى كۇلجان سادۋيەۆا مەكتەپ ۇلتتىق ءسالت-داستۇردى ساقتاي وتىرا بالاعا زاماناۋي تالاپتارعا ساي ءبىلىم بەرەتىنىن ايتتى.

«Zaman school – 590 ورىنعا شاقتالعان جاڭا فورماتتاعى قازاق ءتىلدى مەكتەپ. قازاقتىڭ داستۇرىنە ساي تاربيە بەرۋدى جوسپارلار وتىرمىز. زامان تالابىنا ساي ماتەماتيكا مەن اعىلشىن ءتىلى پاندەرى تەرەڭدەتىلىپ وقىتىلادى. ورتا جانە باستاۋىش مەكتەپتىڭ باعدارلاماسىندا ماتەماتيكا ءپانى سينگاپۋرلىق ادىسپەن جانە عىلىم ساباقتارى كەمبريدج ۋنيۆەرسيتەتىنىڭ جۇيەسى بويىنشا جۇرگىزىلەدى. سونداي-اق جوعارى سىنىپ وقۋشىلارىن IELTS، TOEFL جانە SAT حالىقارالىق ەمتيحاندارىنا قارقىندى تۇردە دايىندايمىز. مەكتەپتىڭ ارحيتەكتۋراسى اعىلشىن ستيلىندە جاسالعان»، – دەدى ول.

ونىڭ ايتۋىنشا، مەكتەپ ىلە الاتاۋىنىڭ باۋرايىندا ورنالاسقان جانە الماتى قالاسىنداعى ەڭ ماڭىزدى 10 جوبانىڭ قاتارىنا ەنگەن.

اكادەميالىق ءبىلىمى تەرەڭدەتىلگەن مەكتەپتە روبوتوتەحنيكا، شاحمات، قارجىلىق ساۋاتتىلىق بويىنشا ساباقتار جۇرگىزىلەدى. سونداي-اق ۇلتتىق قۇندىلىقتاردى ساقتاۋ، قازاقتىڭ ونەرىن ناسيحاتتاۋ ماقساتىندا دومبىرا ساباعى جۇرگىزىلەدى، ۇلتتىق سپورت تۇرلەرى، ويىندار ويناتىلادى.

اياجان داۋتالييەۆا

 
بۇل ماقالا تۋرالى نە ويلايسىز؟