ءساۋىر ايىنىڭ باسىندا امەريكاندىق Forbes ءوزىنىڭ ءداستۇرلى Forbes world's billionaires الەمدىك ميللياردەرلەر ءتىزىمىن جاريالادى، دەپ حابارلايدى Alash.KZ ۇلتتىق پورتالى.
Forbes 2024 نۇسقاسى بويىنشا عالامشاردىڭ ەڭ باي ادامدارىنىڭ رەيتينگىنە تاعى دا التى قازاقستاندىق بار. ولار: ۆياچەسلاۆ كيم، تيمۋر جانە دينارا قۇلىبايەۆا، ۆلاديمير كيم، تيمۋر تۋرلوۆ جانە بولات وتەمۇراتوۆ.
تەك ءبىر وزگەشەلىگى، قازاقستاندىق "كومانداداعى" كوشباسشى وزگەرگەن. 2024 جىلى ەڭ باي قازاقستاندىق بولىپ ۆياچەسلاۆ كيم اتاندى. وتكەن جىلعى ميللياردەرلەرىنىڭ جاھاندىق رەيتينگىندە 787-بولسا، بيىل 511-ورىنعا شىققان.
الەمدىك رەيتينگ كوشباسشىلارىنا كەلەتىن بولساق، ەكىنشى جىل قاتارىنان الەمدەگى ەڭ باي ميللياردەر-Louis Vuitton moët Hennessy كومپانياسىنىڭ پرەزيدەنتى بەرنارد ارنو بولدى. ءقازىر ونىڭ بايلىعى 233 ميلليارد دوللارعا باعالانادى.
Forbes الەمدىك كارتاسىنىڭ ەكىنشى جانە ءۇشىنشى ورىندارىنا Tesla جانە SpaceX يەسى ەلون ماسك جايعاستى.
