ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ەۋروپا ەلدەرى رەسەي ديپلوماتتارىن قايتارىپ جاتىر

05 ءساۋىر 2022 86
[ad_1]



گەرمانيا رەسەيدىڭ بەرليندەگى ديپلوماتيالىق وكىلدىگىندە جۇمىس ىستەيتىن 40 قىزمەتكەردى پەرسونا نون گراتا دەپ جاريالادى. ولاردىڭ ءبارى گەرمانيادان كەتۋگە ءتيىس.

بۇل شەشىمدى گەرمانيا سىرتقى ىستەر ءمينيسترى اننالەنا بەربوك "رەسەي ديپلوماتتارى ءاربىر كۇنى ادام بوستاندىعىنا، قوعامعا قارسى جۇمىس ىستەدى" دەپ ءتۇسىندىردى.

اننالەنا بەربوك "كييەۆ تۇبىندەگى بۋچا قالاسىندا شاشىلىپ جاتقان ءمايىت سۋرەتتەرى رەسەي باسشىلىعىنىڭ ۋكرايندارعا اسقان قاتىگەزدىك جاساپ، جاۋىزدىق كورسەتىپ جاتقانىن بىلدىرەدى" دەدى.

گەرمانيا سىرتقى ىستەر ءمينيسترى ماسكەۋگە سانكسيانى قاتايتا تۇسۋگە، ناتو-نىڭ شىعىس قاپتالىن نىعايتۋعا ۋادە بەردى.

رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا 40 ديپلوماتتىڭ گەرمانيادان شىعارىلعانى جاۋاپسىز قالمايتىنىن ايتتى.

گەرمانيادا رەسەيدىڭ 104 ديپلوماتى اككرەديتاسيالانعان.

فرانسيا دا رەسەي ديپميسسياسىنىڭ قىزمەتكەرلەرىن شىعارىپ جىبەرۋگە كىرىستى. فرانسۋز باق-تارىنىڭ مالىمەتىنە قاراعاندا، فرانسيادان رەسەيدىڭ 30 ديپلوماتى كەتەدى. پاريج رەسەي ديپلوماتتارىنىڭ ارەكەتتەرى فرانسيا قاۋىپسىزدىگىنە قايشى كەلەدى دەپ سانايدى.

رەسەي سىرتقى ىستەر مينيسترلىگى پاريجگە دە جاۋاپ شارا قولدانباقشى.

دۇيسەنىبى، 4 ساۋىردە ليتۆا دا رەسەيمەن ديپلوماتيالىق قاتىناسىن شەكتەي باستادى. ۆيلنيۋس ماسكەۋدەگى ەلشىسىن شاقىرىپ الىپ، ليتۆاداعى رەسەي ەلشىسىن قايتارۋعا شەشىم قابىلدادى.

رەسەي سىرتقى ىستەر مينيسترلىگى "ەكى جاقتى قارىم-قاتىناستارعا نۇقسان كەلتىرەتىن جاۋدىڭ ارەكەتىن جاساپ وتىر" دەپ ليتۆانى ايىپتادى.

ليتۆانىڭ ىزىمەن لاتۆيا دا سونداي شەشىم قابىلدادى.

2 ساۋىردە كييەۆ تۇبىندەگى بۋچا قالاسىندا جۇزدەگەن بەيبىت ادامنىڭ ءمايىتىن شاشىلىپ جاتقانى تۋرالى حابار تاراي باستاعان. بۇل قالانى ءبىر ايدان استام رەسەي اسكەرى باسىپ الىپ، باقىلاۋىندا ۇستاعان ەدى. رەسەي اسكەرى كەتكەن سوڭ قالاعان ۋكراينا اسكەرى كىرگەن.



[ad_2]

دەرەككوز
بۇل ماقالا تۋرالى نە ويلايسىز؟