ول مەملەكەتتىك رامىزدەر تۋرالى تولعانىسىندا: "سودان مەملەكەتتىك رامىزدەرىمىزدىڭ اۆتورلارىن، ولاردىڭ سيپاتتارىن، جالپى ءتۇر-تۇسىن انىقتاۋ ءجۇرىپ جاتىر. قاتىسۋشىلار تۋ مەن ءانۇراندا مۇدىرمەي جاۋاپ بەرۋدە. مەن دە قالىسار ەمەسپىن. ەلتاڭباعا كەلگەندە جارتىسىنان كوبى ءسۇرىنىپ جاتتى. مەن بە؟ شىنىمدى ايتايىن، وماقاسا قۇلاماسام دا، ءار دەتالىنە توقتاپ، تۇسىنىك بەرە المادىم. مۇمكىن، بايراقتى ساتتە چەمپيوندارىمىز وزگە مەملەكەتتەردە ءانۇراندى ويناتىپ، كوك تۋىمىزدى بوگدە ەلدىڭ كوگىندە جەلبىرەتىپ جۇرگەنىنەن ەلتاڭبامىز سولاردىڭ كولەڭكەلەرىندە قاپ قوياتىندىعىنان شىعار. اسا ەلەي بەرمەيمىز، راسى" دەپ جازادى.
"جاڭا ادامدار" جۇرگىزگەن ساۋالناماعا وي قوسقان اۆتور "ەلىمىزدە كەز-كەلگەن مەملەكەتتىك مەكەمەنىڭ كىرە بەرىسىندەگى نە مەكەمە ەكەنىن ءبىلۋ ءۇشىن تاقتايشاسىنا قارايمىز دا، ماڭدايشاسىنا ءمان بەرمەيتىنىمىز انىق. جىلىنا ءبىر كەلەر "رامىزدەر كۇنىندە" عانا اتى اتالىپ قالار ەلتاڭبامىزدىڭ نەندەي دەتالداردان تۇراتىنىن، سونىڭ ءاربىرىنىڭ بۇگە-شىگەسىنە دەيىن توقتالىپ كەتە الاسىز با؟
ەلىمىزدە ۇرپاقتى وتانسۇيگىشتىككە تاربيەلەۋ يدەولوگياسى قالاي، قاي دەڭگەيدە ءجۇرىپ جاتقانىن بىلمەيمىن، كونستيتۋسيامەن قورعالاتىن ەلتاڭبامىزعا كەلگەندە — كوك تۋىمىز بەن ءانۇرانىمىزداي دارىپتەلىپ، مەيلىنشە اتى ءجيى اتالۋىن قاداعالاۋ قاجەت سياقتى. ونداعى كۇمبەزدى شاڭىراقتىڭ، قاناتتى تۇلپار —پىراقتاردىڭ، كۇننىڭ نەنى بىلدىرەتىنىن، اۆتورلار ءۋاليحانوۆ پەن مالىبەكوۆتەرتەردەي سايراپ تۇرۋ قاجەت.
ال، الگى الەۋمەتتىك ساۋالناماعا قاتىسۋشىلارعا ايتاتىنىم، ەلتاڭبامىزدى نەگىزگى اتريبۋتى شاڭىراقتان، ءجۇدا بولماسا تۋتۇستەس فونىنان بىردەن ايىرا الۋعا بولادى ەكەن وزگەلەردەن" دەپ اياقتايدى تولعانىسىن.
