ءماجىلىس دەپۋتاتى ەرلان سايىروۆ قاراعاندىدا "جەدەل جاردەم" جۇرگىزۋشىسىن اياۋسىز سوققىعا جىققان بۇزاقىنى قاتاڭ جازالاۋعا شاقىردى، دەپ حابارلايدى alash.kz سايتى Dalanews.kz كە سىلتەپ.
ماجىلىستە بالالار مەن ايەلدەرگە قارسى زورلىق-زومبىلىققا بايلانىستى جاۋاپكەرشىلىكتى كۇشەيتۋ جونىندەگى زاڭ جوباسى قارالىپ جاتىر. وسى تۇستا سايىروۆ جاقىندا قاراعاندىدا بولعان وقيعانى تىلەك تيەك ەتىپ، قىزمەتتىك مىندەتىن اتقارۋشىلاردىڭ دەنساۋلىعىنا جاراقات كەلتىرگەندەرگە جازانى كۇشەيتۋدى ۇسىندى.
“مىسالى، قاراعاندىدا جەدەل جاردەم جۇرگىزۋشىسىن ءبىر ناقۇرىس ۇرىپ تاستادى. ءبىز ونى بۇكىل قازاقستان بولىپ ىزدەپ، ارەڭ تاپتىق. ءبىراق ءقازىر ونى قاتاڭ جازالايتىن ەش تەتىك جوق. سول سەبەپتى ءدال سونداي وتموروزوكتاردى قاتاڭ جازالايتىنداي شارالار قاجەت. ماسەلەن، قىلمىستىق ىستە ولار باس بوستاندىعىنان ايىراتىنداي جازا تاعايىندالۋى ءتيىس. ىشكى ىستەر مينيسترلىگى نەگە سونداي باپتى ەنگىزبەي وتىر؟ نەگە سونداي ادامدارعا ليبەرالدى امال قولدانىلادى، – دەدى دەپۋتات.
ال يگور لەپەحا بۇل ماسەلە بويىنشا ءتيىستى شارا قولعا الىنعانىن جەتكىزدى. ونىڭ ايتۋىنشا، بۇزاقىعا قىلمىستىق ءىس قوزعالىپ جاتىر.
