ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بەرىك ءابدىعالي ۇلىتپاۋدان "ۇشا" ما؟

05 اقپان 2024 46
اقوردا دەمىن ىشىنە الىپ تۇر. قاڭتاردىڭ ورتاسىندا اقوردانىڭ ەسىل وزەنىنە قاراعان كۋلۋارىندا جاڭادان قۇرىلعان وبلىستاردىڭ ەكونوميكالىق دامۋىنا قاتىستى جابىق جيىن ءوتىپ، تۇركىستان، جەتىسۋ، اباي جانە ۇلىتاۋ وبلىستارى اكىمدەرىنىڭ جۇمىستارى سارالاندى. بۇل تۋرالى DALA INSIDE ارناسى جازدى.

بالاپاندى كۇزدە سانايدى دەمەكشى، جيىندا اتالعان وبلىستارعا جاۋاپتى ينسپەكتورلاردىڭ وي-پىكىرلەرى تىڭدالعان.

ارناعا جەتكەن اقپارات بويىنشا، جيىندا تۇركىستان وبلىسى اكىمى دارحان ساتىبالدى مەن جەتىسۋ وبلىسى اكىمى بەيبىت يسابايەۆتىڭ جۇمىسىنا جوعارى باعا بەرىلدى.

ال وتكەن جىلى جازدا اباي وبلىسىندا ورىن العان ورمان ورتتەرىنەن كەيىن وبلىس باسشىسى نۇرلان ۇرانحايەۆتىڭ جۇمىسىنا قاتىستى ءبىراز سىن ايتىلعان بولاتىن.
ءبىراق ۇرانحايەۆ وزىنە ايتىلعان سىننان قىسقا ۋاقىتتا ناتيجە شىعارىپ، اقوردانىڭ سەنىمىنە تاعى دا يە بولعان. وسىلايشا ۇرانحايەۆ ءوزىنىڭ پوزيسياسىن ساقتاپ قالدى.

جيىنعا قاتىسۋشىلار ۇلىتاۋ وبلىسى اكىمى بەرىك ءابدىعاليدىڭ جۇمىسىنا كوڭىلدەرى تولمايتىندارىن اشىپ ايتقان. 2022 جىلى ماۋسىم ايىندا ۇلىتاۋ وبلىسى اكىمى بەرىك ءابدىعالي مىرزا ۇلتتىق قۇرىلتايدىڭ العاشقى وتىرىسىن جوعارى دەڭگەيدە وتكىزىپ، اقوردانىڭ الدىندا سەنىم كرەديتىنە يە بولعان ەدى. ءبىراق بەرىك مىرزا جيىن-تويمەن جيناعان اتاق-ابىروي وزىنە جىلدار بويى ازىق بولمايتىنى ەسەپكە الماعان سىڭايلى.

ويتكەنى جاڭا وبلىستىڭ قۇرىلعانىنا 3 جىلعا تاياسا دا، اكىمدىككە باعىنىشتى كەيبىر مەملەكەتتىك مەكەمەلەر ءالى كۇنگە دەيىن جەكەمەنشىك ساۋدا ورىندارىن پانالاپ وتىرعانى اقورداعا ۇناماعان.

وزگە وبلىستار باسقارمالار مەن مەكەمەلەرگە ارنالىپ، عيماراتتار سالىپ، جۇمىستارىن دوڭگەلەتىپ كەتكەن. ال ۇلىتاۋ وبلىسىندا ءبىرقاتار مەملەكەتتىك مەكەمەلەردىڭ جۇمىسىن ۇيىمداستىرۋ ءىسى ءالى كۇنگە دەيىن وڭ شەشىمىن تاپپاۋدا.

قوعامدىق ومىردە ۇلتجاندى ازامات رەتىندە تانىلعان بەرىك ءابدىعالي اكىمشىلىك ۇيىمداستىرۋ جۇمىستارىنىڭ بۇلايشا ۇزاققا سوزىپ جىبەرگەنى اقوردانىڭ اشۋىن تۋعىزىپ وتىر.
بۇدان باسقا وبلىس اكىمىنىڭ جەرگىلىكتى جەردەگى نەگىزگى جۇمىس بەرۋشى "قازاقمىس" كورپوراسياسىنىڭ باسشىلىعىنا ءسوزىن وتكىزە الماۋى دا ونى تۇيىققا تىرەي تۇسكەن.

DALA INSIDE ينسايدەرى، شاعىن قۇرامدا وتكەن كەزدەسۋدە بەرىك ءابدىعاليدى باسقا ىسكەر، شارۋاشىلىققا مىعىم اكىممەن اۋىستىرۋ ماسەلەسى ءبىر اۋىزدان قولداۋ تاپقان دەسەدى.
تاريحتا ۇلىتاۋ وبلىسىنىڭ العاشقى اكىمى رەتىندە قالاتىن بەرىك ءابدىعالي الداعى ۋاقىتتا قوس شاتىرلى پارلامەنتكە قايتا ورالىپ، ءوزىنىڭ سۇيىكتى يەدولوگيالىق ىسىمەن اينالىسۋى مۇمكىن.

اقوردانىڭ كۋلۋارىندا وتكەن جيىندا جاۋاپتى تۇلعالار ءبىر اۋىزدان "جاقسى دەپۋتاتتان، شارۋاقور اكىم شىقپايدى" دەگەن بايلامعا كەلدى. اقپان ايىندا ۇلىتاۋ وبلىسى اكىمىن اۋىستىرۋ ءىسى بويىنشا پرەزيدەنتكە ءتيىستى ۇسىنىس دايىندالىپ، تاپسىرىلماقشى.

بۇگىندە بەرىك ءابدىعاليدى الماستىراتىن بىرنەشە كانديداتتاردىڭ دوسەسى جان-جاقتى ەلەكتەن وتۋدە.
بۇل ماقالا تۋرالى نە ويلايسىز؟