بيشيمبايەۆ سوت وتىرىسىندا سالتانات نۇكەنوۆانىڭ دارەتحاناعا قامالىپ الىپ، بارلىق باعالى اشەكەيلەرىن سۋعا اعىزعانىن ايتتى. بىرنەشە مارتە جەرگە قۇلاپ، وقىستان، "جازىم بولىپ قازا تاپقانىن" مالىمدەدى، دەپ حابارلايدى Alash.KZ ۇلتتىق پورتالى.
بيشيمبايەۆ سالتانات نۇكەنوۆانىڭ بىرنەشە مارتە قۇلاپ، باسىن سوعىپ، سونىڭ سالدارىنان قازا تاپقانىن حابارلادى.
"ول بۇتىن شەشكىسى كەلدى، مەن ونى قاپسىرا قۇشاقتاپ الدىم. اۋىرلىعىنان ىرقىما كونبەدى. جۇلقىنىپ، مەنى يتەرىپ جىبەردى. ءوزى قابىرعاعا سوعىلىپ، دارەتحانادا باسىن جاردى. ون سەكۋند دارەتحانا ەدەنىندە جاتتى. ءبىراق ونىڭ كوزى اشىق بولدى، سودان كەيىن باياۋ ورنىنان تۇرا باستادى. مەن وعان كومەكتەسپەدىم. مەن دارەتحانادا ساعاتتار مەن نەكە ساقيناسىنىڭ سۋعا اعىزىلعانىن كوردىم. مەن وعان ولاردى ال دەپ ايتتىم. ول دەنەسىن كوتەرىپ، قايتادان سۇلق ەتە ءتۇتى.تەپە-تەڭدىگىن جوعالتىپ، بەتىمەن پليتكالى ەدەنگە سوعىلدى. سودان كەيىن مەن وعان كومەكتەستىم، ول قابىرعاعا سۇيەنىپ، سودان سوڭ وتىردى. قانسىراعان ءتۇرىن كوردىم، - دەدى بيشىمبايەۆ.
ەسكە سالايىق، 9 قاراشادا ب ا ق پەن Telegram-ارنالار بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ استانادا ايەلىن ۇرىپ ءولتىردى دەگەن كۇدىكپەن ۇستالعانىن حابارلادى.
استانا قالاسى پوليسيا دەپارتامەنتى 9 قاراشادا ەلورداداعى مەيرامحانا قوناقتارىنىڭ اراسىندا جانجال شىعىپ، سالدارىنان ءبىر ايەلدىڭ قازا تاپقانىن راستادى.
ەلوردالىق پد كۇدىكتى قاماۋعا الىنىپ، تەرگەۋ امالدارى جۇرگىزىلىپ جاتقانىن مالىمدەدى. قۋاندىق بيشىمبايەۆتىڭ ۇستالعانىن 10 قاراشادا ىشكى ىستەر ءمينيسترىنىڭ ورىنباسارى سەرىك سارسەنوۆ راستادى.
12 قاراشادا قۋاندىق بيشىمبايەۆ ەكى ايعا قاماۋعا الىندى. بۇدان بولەك بيشىمبايەۆتىڭ ايەلى قايتىس بولعان "گاسترو-ورتالىعىنىڭ" ديرەكتورى دا قاماۋعا الىندى.
استانا قالالىق پد بيشىمبايەۆتىڭ ءىسى ىشكى ىستەر باسشىلىعىنىڭ باقىلاۋىندا ەكەنىن مالىمدەدى.
بۇدان بولەك پرەزيدەنت قاسىم-جومارت توقايەۆ ىشكى ىستەر مينيسترلىگىنە رەزونانس تۋدىرعان بۇل وقيعانى ەرەكشە باقىلاۋعا الۋدى تاپسىردى.
