ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بيشىمبايەۆتىڭ ادۆوكاتتارى اپەللياسياعا بەرەتىندەرىن ايتتى

24 مامىر 2024 253

قۋاندىق بيشىمبايەۆتىڭ ادۆوكاتتارى اپەللياسياعا بەرمەك. قورعاۋشى جاقتىڭ بارلىق قۇجات پەن ۇكىمدى زەرتتەۋگە 28 مامىرعا دەيىن ۋاقىتى بار. بۇل تۋرالى بيشىمبايەۆتىڭ ادۆوكاتتارىنىڭ ءبىرى ەرلان عازىمجانوۆ ايتتى، - دەپ حابارلايدى Alash.kz.

بۇعان دەيىن دە ەكس-مينيستردىڭ ادۆوكاتتارى اپەللياسياعا بەرەتىنىن مالىمدەگەن ەدى. الايدا ۋاقىتى ناقتى بەلگىسىز بولدى.

"ءالى ۋاقىت بار. بارلىق دەرەكتى زەرتتەيمىز. اپەللياسيا ماۋسىمدا وتەدى دەپ ويلايمىن. وتىنىمنەن كەيىن تاعى بىرنەشە پروسەدۋرادان ءوتۋ كەرەك. ول ءبىر ايدان اسپاۋى كەرەك"، - دەيدى dalanews.kz سايتى ادۆوكاتتىڭ ztb.kz-كە بەرگەن سۇحباتىنا سىلتەپ.

سونىمەن قاتار، عازىمجانوۆتىڭ ايتۋىنشا، سوت قورعاۋشى تاراپقا القابيلەردىڭ داۋىس بەرۋ ناتيجەلەرىن اشىپ ايتپايدى. ونىڭ سوزىنشە، بۇل اپەللياسيالىق پروسەستە نەگىزگى كىلت بولار ەدى.

"ءبىز قانشا "قارسى" جانە "كەلىسكەن" داۋىس بەرىلگەنىن بىلمەيمىز. وسى دەرەكتەردى بىلمەي ۇكىمگە قالاي شاعىمدانۋعا بولادى؟ تەوريا بويىنشا سۋديا القابيلەردىڭ پىكىرىنە قايشى ۇكىم شىعارۋى مۇمكىن. ءبىز ونى تەكسەرە المايمىز. قولدانىستاعى زاڭنامادا بۇل اقپاراتتى الۋعا تىيىم جوق. زاڭدا سۋديا مۇنى ىستەۋگە مىندەتتى ەكەنى جازىلماعان. ءبىراق بۇل بىرنارسەنى جاسىرۋ كەرەك دەگەندى دە بىلدىرمەيدى، - دەپ ءتۇسىندىردى ول.

بۇل ماقالا تۋرالى نە ويلايسىز؟