قايتىس بولعان سالتانات نۇكەنوۆانىڭ اناسى جۇماگۇل نۇكەنوۆا ەكس-كۇيەۋ بالاسى بيشىمبايەۆتىڭ سوت وتىرىسىندا ايتقان سوزدەرىمەن كەلىسپەيتىنىن جەتكىزدى. بيشىمبايەۆ مارقۇمنىڭ وزىنەن جيىرما جاسقا ۇلكەن ادامنىڭ كوڭىلدەسى بولعانىن ايتتى. بۇل تۋرالى Alash.kz مالىمدەيدى.
«سوت زالىندا ايتقان سوزدەرىنىڭ بارلىعى جالعان. بۇگىنگى وتىرىس ماعان اۋىرلىق سەزىمىن ەمەس، كەرىسىنشە كۇلكىمدى كەلتىردى. بيشىمبايەۆ وسكار سىيلىعىنا لايىق. بىلىكتى مانيپۋلياتور. قىزىمنىڭ كوڭىلدەس بولعانى تۋرالى ايتقانى شىندىققا ەش ساي كەلمەيدى. ول سالتاناتتى ءتىپتى ءوز تۋعان اعاسىنان، ىنىسىنەن، بارلىعىنان قىزعاناتىن بولدى،-دەدى مارقۇمنىڭ اناسى.
ەلدى دۇرلىكتىرگەن بۇل وقيعادان كەيىن جۇماگۇل نۇكەنوۆاعا بيشىمبايەۆقا قاتىستى ءتۇرلى ءوز وقيعالارىمەن بەيتانىس ادامدار حابارلاساتىنىن ايتتى.
«بيشىمبايەۆ جالعىز سالتاناتتى عانا ەمەس، ءوز تانىستارىنا دا قاتتى قىسىم كورسەتكەن. مىسالى، «قتج اق»-دا ءبىر قىزدى ءتورت كۇن بويى قاماپ ۇستاعان»، دەدى اناسى.
1 ءساۋىر كۇنى بولعان سوت وتىرىسىندا كۇدىكتى قۋاندىق بيشىمبايەۆ ايەلى سالتانات نۇكەنوۆانىڭ رايىمبەك ەسىمدى تانىمال بيزنەسمەننىڭ كوڭىلدەسى بولعانىن باياندادى. بۇل حاباردى ەستىگەننەن كەيىن قاتتى اشۋلانعانىن ايتتى.
