ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بيشىمبايەۆ قاشان، قانداي ۇكىم شىعادى؟

13 مامىر 2024 399

جابىرلەنۋشى تاراپتىڭ ادۆوكاتى جاننا ورازباحوۆا ەكس-مينيستر قۋاندىق بيشىمبايەۆقا قاتىستى ۇكىم قاشان شىعۋى مۇمكىن ەكەنىن ايتتى.

ورازباحوۆانىڭ سوزىنشە، بۇگىن ۇكىم شىعۋ ىقتيمالدىعى - 70-كە 30 پايىز.

"مۇنىڭ ءبارى (سۋديا - ەسك.) كەڭەسۋ بولمەسىندە قانشا ۋاقىت بولاتىنىنا بايلانىستى. داۋىستاردى سانايدى. داۋىستاردى ساناعاننان كەيىن سۋديا ۇكىمدى، قارار بولىگىن جازادى. ياعني، بۇل دا بەلگىلى ءبىر ۋاقىت الادى"، - دەپ ءتۇسىندىردى ول.

ايتا كەتەيىك، استانا قالاسىنىڭ مامانداندىرىلعان اۋدانارالىق سوتىندا قۋاندىق بيشىمبايەۆقا قاتىستى قىلمىستىق ءىس بويىنشا بىرنەشە سوت وتىرىسى ءوتتى. ونى ءدۇيىم جۇرت جوعارعى سوتتىڭ YouTube ارناسىنان ونلاين قارادى.

ازاماتتىق نەكەدەگى ايەلى سالتانات نۇكەنوۆانى ءولتىردى دەگەن ايىپپەن سوتتالىپ جاتقان ەكس-مينيستر قۋاندىق بيشىمبايەۆتى ادۆوكات لەيلا رامازانوۆا، نازكەن قۇسايىنوۆا، ەرلان عازىمجانوۆتار قورعاپ جاتىر.

ال مارقۇم سالتانات نۇكەنوۆانىڭ اعاسى ايتبەك امانگەلدى مەن ونىڭ وتباسىنىڭ ادۆوكاتتارى – جاننا ورازباحوۆا مەن ءاليا وماروۆا.

27 ناۋرىزدا ەكس-مينيستر قۋاندىق بيشىمبايەۆتىڭ ءىسى بويىنشا القابيلەر تاڭدالعان ەدى. القابيلەر القاسىنا 12 ادام ىرىكتەلدى: 10 – نەگىزگى قۇرام، 2 – قوسالقى. سودان كەيىن اشىق سوت وتىرىستارى باستالدى.

سونىمەن قاتار، قۋاندىق بيشىمبايەۆ سوتتا سالتانات نۇكەنوۆانى اسا قاتىگەزدىكپەن ولتىرگەنىن مويىندامادى. بۇل وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.

بيشىمبايەۆقا ەكى باپ بويىنشا ايىپ تاعىلدى:

  • اسا قاتىگەزدىكپەن كىسى ءولتىرۋ (15 جىلدان 20 جىلعا دەيىن نەمەسە ءومىر بويىنا باس بوستاندىعىنان ايىرۋ)؛
  • قيناۋ (4 جىلدان 7 جىلعا دەيىن باس بوستاندىعىن شەكتەۋ نەمەسە وسى مەرزىمگە باس بوستاندىعىنان ايىرۋ).
بۇل ماقالا تۋرالى نە ويلايسىز؟