ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بيشىمبايەۆتىڭ تاعدىرىن ءۇش سۇراق قانا شەشەدى

10 مامىر 2024 1605

زاڭگەر دانيار بايعاباتوۆ Tengrinews.kzتىلشىسىنە بەرگەن سۇحباتىندا قۋاندىق بيشىمبايەۆ پەن باقىتجان بايجانوۆتىڭ تاعدىرىن شەشەتىن ءۇش سۇراقتى ايتتى.

زاڭگەردىڭ سوزىنشە، ءاربىر ايىپتالۋشى بويىنشا كەلەسى ءۇش سۇراق قويىلادى:

  • قىلمىستىڭ بولعانى دالەلدەندى مە؛
  • بۇل قىلمىستى سوتتالۋشى جاساعانى دالەلدەنگەن بە؛
  • سوتتالۋشى بۇل قىلمىستى جاساعانى ءۇشىن كىنالى مە؟

10 مامىرداعى سوت وتىرىسىندا نە بولادى؟ 

قىلمىستىق ءىس جۇرگىزۋ كودەكسىنىڭ 653-بابىنىڭ 1-بولىگىنە سايكەس القابيلەر ماسەلەلەردى تالقىلاۋ جانە تۇجىرىمداۋ ۋاقىتىندا سوت وتىرىسى زالىنان شىعارىلادى.

قىجك-نىڭ 653-بابىنىڭ ەكىنشى بولىگىنە سايكەس ءاربىر تاراپ سۇراقتاردىڭ مازمۇنى مەن تۇجىرىمى بويىنشا ءوز ەسكەرتۋلەرىن ايتادى، سونداي-اق ولار جاڭا سۇراقتار قويۋ تۋرالى ۇسىنىستار جاسايدى.

سۋديا تاراپتاردىڭ ەسكەرتۋلەرى مەن ۇسىنىستارىن نازارعا الا وتىرىپ، كەڭەسۋ بولمەسىندە ماسەلەلەردى تۇپكىلىكتى تۇجىرىمداي وتىرىپ، ولاردى سۇراق پاراعىنا جازادى جانە وعان قول قويادى. زالعا ورالعاننان كەيىن سۋديا تاراپتار مەن القابيلەردىڭ قاتىسۋىمەن سۇراق پاراعىن جاريالايدى.

وسىدان كەيىن سۇراقتار تۇجىرىمىن وزگەرتۋگە، سۇراق پاراعىنان سۇراقتاردى الىپ تاستاۋعا، وعان جاڭا سۇراقتاردى ەنگىزۋگە جول بەرىلمەيدى.

بۇل ماقالا تۋرالى نە ويلايسىز؟