بەلسەندى سەرىكجان ءبىلاش الەمگە ايگىلى ديماش قۇدايبەرگەنوۆتى «قىتايدىڭ جوباسى» دەپ اتاپ، بيلىككە كەلسە ديماشتى قىتايعا قايتارىپ جىبەرىپ، قازاقستانعا كىرگىزبەيتىنىن ايتتى، دەپ حابارلايدى Alash.KZ ۇلتتىق پورتالى.
سەرىكجان ءبىلاش «Atajurt Kazakh Human Rights-USA-اقش» Youtube ارناسىندا ديماش قۇدايبەرگەنگە قاتىستى پىكىر ءبىلدىرىپ، داۋلى مالىمدەمە جاسادى. بەلسەندى قازاقتىڭ اتىن الەمگە ايگىلەگەن تانىمال ءانشى ديماش قۇدايبەرگەنوۆتى «قىتايدىڭ جوباسى» دەپ اتاپ، بيلىك تىزگىنىن ۇستاعان جاعدايدا "ەلگە كىرگىزبەيتىنىن" جەتكىزدى.Skifnews.kz اقپارات پورتالى بەلسەندى پىكىرىن جاريالادى.
«ديماش قىتايدىڭ جوباسى. ونى امەريكا ەمەس، ەۋروپا ەمەس ءدال جۇڭگو شىعاردى. ميسىز حالقىم سونى تۇسىنبەيدى. مەن بيلىككە كەلسەم ديماشتى قىتايعا قايتارىپ جىبەرەمىن، قازاقستانعا كىرگىزبەيمىن»،- دەدى بەلسەندى.
ءبىر ايتا كەتەرلىگى، بەلسەندىنىڭ انشىگە قاتىستى مۇنداي داۋلى پىكىرى وقىرمانداردى اشىندىرىپ، جەلى قولدانۋشىلارىنىڭ نارازىلىعىن تۋدىردى. اتالمىش ۆيدەو كوپ پىكىر جينادى. الەۋمەتتىك مەديا الاڭىندا بەلسەندىنىڭ پىكىرىن قولداۋ تاپپادى. داتتاعاندار ديماشتىڭ تالانتىن، انشىگە دەگەن قۇرمەتىن العا تارتىپ، قارسى پىكىر جازىپ جاتىر:
"سەن كىمسىڭ ديماشتى قازاقستانعا كىرگىزبەيتىن؟"، "ءسىزدى حالىققا جانى اشيتىن اعا دەپ جۇرسەم، ديماشتا نە قۇنىڭىز بار؟" «ديماشقا كەرى پىكىر ايتاتىندار بار ەكەن،ولارمەن كۇرەسۋگە دايىنمىن!»، «ديماشىم _ الەم ماقتانىشى»، «قازاقتى ءبىر بىرىنە ايداپ سالۋ ساياساتى بۇل. قازاقتىڭ كوزى اشىلدى ءقازىر، كىمنىڭ دوس، كىمنىڭ دۇشپان ەكەنىن بىلەدى. ديماش بۇكىل الەم تانىعان قازاقتىڭ اسىلى»، دەپ جەلى وقىرماندارى توپەلەي جازىپ جاتىر.
ەستەرىڭىزدە بولسا، ءبىز بۇعان دەيىن دە انشىلەردىڭ ديماش قۇدايبەرگەنگە قاتىستى ايتقان پىكىرلەرىن جاريالاعانبىز.
بەلگىلى ءانشى ايگۇل يمانبايەۆا "1001 ءتۇن" باعدارلاماسىنا بەرگەن سۇحباتىندا ءوزىنىڭ ديماش قۇدايبەرگەننەن اسىپ تۇسەتىن ءانشىنى دايىندايمىن دەپ ايتقان.
...مەن ديماشتان بۇرىن باردىم......مەن ديماشتان اسقان شاكىرت شىعارام...مەن... مەن... مەن..ءوزىن كورسەتۋ ءۇشىن كوپ ادام ديماشتىڭ ەسىمىن قوسارلاپ ايتاتىن بولىپتى...وسى ايگۇل حانىمنىڭ ونەردە بۇزا-جارا شىققان بيىگىن دە كورمەپپىز...ەندى "ديماشتان اسقان شاكىرت تاربيەلەيمىن" دەپ قاپتى...نەگە ەرمەك سەركەبايەۆتان اسقان دەمەيدى..نە قايرات نۇرتاستان...ياعني، ول "ديماش بيىگى" - ادامزات مويىنداعان بيىكتىك ەكەنىن ءبىلىپ، ءوزىن سول "بيىككە" سۇيرەپ شىعارعىسى كەلەدى...الايدا، ول ءوز شاكىرتىنە ديماش العان تاربيەنى بەرە الا ما؟قانشاما اكادەميك بولسا دا، ول كۇماندى...سەبەبى، ايگۇلدىڭ بويىندا ونداي شىنايى قازاق تاربيەسى كەم.قالايشا سوندا ول "ديماش دەڭگەيىن" وزىنە قاراپ ولشەمەك؟...روزا حانىم دا "سۋ تاسقىنى بولعان جەرگە مەن ديماشتان بۇرىن جەتتىم" دەيدى...نەگە مينيستردەن بۇرىن ەمەس؟مۇندا دا ديماش...ءاۋ "جۇلدىزدار"، اينا ءوز بەتىن ءوزى سۇرتە المايدى، ونى وعان قاراعان ادام سۇرتەدى.سو سياقتى، سىزدەر دە ءوز امبيسيالارىڭىزدى سۇرتكىزىپ قويىڭدار اندا-ساندا!...ال ديماشقا بۇكىل الەم "عارىشتان تۇسكەن ءانشى"، "قۇدايدىڭ ادامزاتقا بەرگەن سىيى" دەپ الدەقاشان ات بەرىپ، اسپەتتەپ قويعانىنان حابارسىز ادام تاپپايتىن شىعارمىز بۇگىندە!.."ديماش - كوموستان تۇسكەن قازاق" - سىزدەر ءۇشىن (ايگۇل مەن روزا حانىمدار) ءبىر عانا شىندىق وسى! - دەپ جازدى قالامگەر.
