ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"بولجامدار نەگىزسىز". توقايەۆتىڭ وكىلەتتىگى 2026-دا ەمەس، 2029 جىلى اياقتالادى

04 قاڭتار 2024 49
قازاقستان پرەزيدەنتىنىڭ وكىلەتتىگى تۋرالى قوعامدا ءارتۇرلى اڭگىمە بار. پرەزيدەنتتىڭ باسپا ءسوز حاتشىسى بەرىك ءۋالي قاسىم-جومارت توقايەۆتىڭ وكىلەتتىگىنە قاتىستى اڭگىمەگە نۇكتە قويىپ، جاعدايدى تولىق ءتۇسىندىردى، دەپ حابارلايدى alash.kz. ونىڭ ايتۋىنشا، پرەزيدەنتتىڭ قايتا سايلاناتىنى تۋرالى بولجامدار نەگىزسىز.

ءبىرقاتار شەتەلدىك ب ا ق قاسىم-جومارت توقايەۆتىڭ وكىلەتتىگى 2026 جىلى اياقتالادى دەپ حابارلاعان-دى. ءبىراق بۇل جاعدايدى مەملەكەت باسشىسىنىڭ كەڭەسشىسى بەرىك ءۋالي ءتۇسىندىردى.

«بۇل كەيبىر جۋرناليستەردىڭ ەلىمىزدەگى جاعدايدان بەيحابارلىعىنان تۋىنداعان ماسەلە بولۋى مۇمكىن. شىن مانىندە، مەملەكەت باسشىسى «Egemen Qazaqstan» گازەتىنە بەرگەن سۇحباتىندا «2026 جىلى رەفەرەندۋم وتكىزۋ ارقىلى كونستيتۋسياعا وزگەرىس ەنگىزىپ، كەلەسى سايلاۋعا قاتىسادى» دەگەن الىپ-قاشپا سوزدەردى جوققا شىعاردى. وزدەرىڭىزگە ءمالىم، پرەزيدەنت 2022 جىلدىڭ قاراشا ايىندا 7 جىلعا سايلاندى. كونستيتۋسياعا سايكەس مەملەكەت باسشىسىنىڭ وكىلەتتىگى 2029 جىلى اياقتالادى»، - دەدى بەرىك ءۋالي.
بۇل ماقالا تۋرالى نە ويلايسىز؟