قازاقستاندىق بيزنەسمەن قايرات بورانبايەۆتىڭ ۇستالعانى حابارلادى. بۇل تۋرالى قازتاگ پەن Vlast.kz سايتى حابارلادى.
قازتاگ بورانبايەۆتى قارجىلىق مونيتورينگ اگەنتتىگىنىڭ قىزمەتكەرلەرى ۇستاپ، تەرگەۋ يزولياتورىنا قاماعانىن جازدى. ال Vlast.kz سايتىنىڭ دەرەگىنشە. بورانبايەۆتى الماتى قالاسى قارجى مونيتورينگ دەپارتامەنتى جاۋاپ العان.
رەسمي ورگاندار ازىرگە بۇل اقپاراتتى راستامادى دا، جوققا دا شىعارعان جوق.
قايرات بورانبايەۆ - ەلدىڭ ەكس-پرەزيدەنتى نازاربايەۆتىڭ قىزى داريعا نازاربايەۆانىڭ بۇرىنعى قۇداسى. بورانبايەۆتىڭ قىزى اليما بورانبايەۆا داريعانىڭ ۇلى ايسۇلتان نازاربايەۆقا (2020 جىلى قايتىس بولعان) تۇرمىسقا شىققان. كەيىن ايسۇلتان مەن اليمانىڭ اجىراسىپ كەتكەن.
بورانبايەۆ Forbes Kazakhstan رەيتينگى بويىنشا، قازاقستانداعى ەڭ باي ەلۋ بيزنەسمەننىڭ قاتارىنا كىرەدى. بايلىعى – 519 ميلليون دوللار. ول 2000-2002 جىلدارى "قازترانسگاز" كومپانياسىنىڭ اتقارۋشى ديرەكتورى جانە "Intergas Central Asia" كوممەرسيالىق ديرەكتورى، 2006-2014 جىلدارى "قازروسگاز" كومپانياسىنىڭ باس ديرەكتورى بولدى.
بورانبايەۆ – الماتىنىڭ "قايرات" فۋتبول كومانداسىنىڭ يەسى. Fitnation فيتنەس كلۋبىنىڭ، "راحات پالاس"، Comfort Hotel Astana قوناق ۇيلەرىنىڭ يەسى، Esentai Mall، Esentai Tower بيزنەس ورتالىعىن، "المالى" ساۋدا ورتالىعىن، لاتۆياداعى Jurmala Golf Club & Hotel ءقوناقۇيىن سەرىكتەسىمەن ءبولىسىپ باسقارادى. McDonalds تاماقتانۋ ورنىنىڭ قازاقستانداعى جانە رەسەيدەگى فرانچايزينگ يەسى.
ونىڭ بريتانيا، چەحيا، رەسەيدە قىمبات ۇيلەرى بارى دا بەلگىلى بولعان.
بورانبايەۆ قاراعاندىداعى فارماسيەۆتيكالىق كەشەنىن دە باقىلايدى. قازاقستان بيلىگى "سپۋتنيك V" ەكپەسىن قاراعاندى فارمكەشەنىندە شىعارۋ ءۇشىن 15 ميلليارد 175 مىڭ تەڭگە بولگەن.
