ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ءبىر رەتتىك پرەزيدەنتتىك نورمانىڭ ۇسىنىلعانى دۇرىس

14 قىركۇيەك 2022 63
پرەزيدەنت ءوزىنىڭ قازاقستان حالقىنا جولداۋىندا «ادىلەتتى قازاقستاندى قۇرۋعا باعىتتالعان تۇبەگەيلى جانە جان-جاقتى رەفورمالاردى تابىستى ىسكە اسىرۋ ءۇشىن كەز كەلگەن ءورشىل باعدارلامانى ىسكە اسىرۋعا جەتكىلىكتى كەزەڭ قاجەت. ءومىر ءبىر ورىندا تۇرمايدى. ەل ىشىندەگى جاھاندىق پروسەستەر مەن قوعامدىق دامۋ سەرپىنى كۇن سايىن جەدەلدەپ كەلەدى» دەپ ايتقان بولاتىن.

شىنىندا دا، پرەزيدەنتتىڭ بۇل شەشىمى دۇرىس. كەزەكتەن تىس سايلاۋ ءوتۋى دە ورىندى.  مەنىڭشە، 7 جىل از ۋاقىت ەمەس، سول ارالىقتا دا تالاي ءىستى اتقارۋعا بولادى. وسى مەرزىم ىشىندە پرەزيدەنت ءوزىنىڭ بارلىق قىسقا مەرزىمدى جانە ۇزاق مەرزىمدى ماقساتتارىن ىسكە اسىرۋعا، قازاقستان حالقىنىڭ جالپىۇلتتىق دامۋى مەن ءال-اۋقاتى جاقسارتىپ، تابىستى كوماندا قالىپتاستىرۋعا مۇمكىندىك بەرەتىن جەتكىلىكتى ۋاقىت.

ەلىمىز تالاي فورماسيادان ءوتتى. سوندىقتان جاڭا ۇكىمەت ءبارىن جاڭادان باستاۋى كەرەك. وسىعان ءبىز، ءبارىمىز اتسالىسۋىمىز ءتيىس. ول ءۇشىن ءاربىر قازاقستاندىق ءوز جۇمىسىن دۇرىس اتقارىپ، جۇمىس ىستەپ، ءوسىپ كەلە جاتقان ۇرپاعىن دۇرىس تاربيەلەسە، ەلمىزگە جاساعان جاردەمى سول بولادى.

ەندى ايتارىم، استانا وپەراسى بۇرىن كۇلاش بايسەيتوۆانىڭ اتىندا ەدى، سونى قايتارسا دەگەن تىلەگىم بار. ۇلى ادامدى ۇلىقتاۋىمىز كەرەك. ەلدىڭ ءال-اۋقاتى، ادەبيەتى، مادەنيەتى، الەۋمەتى تۇزەلمەي ەل بولمايمىز. وسىنى ۇمىتپاپيىق!

ءاسانالى ءاشىموۆ،

قازاقستاننىڭ حالىق ءارتىسى

 
بۇل ماقالا تۋرالى نە ويلايسىز؟