ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بەتپەردە تاققان جىگىت تاعى ازاماتتىق جاسادى. بۇل جولى مۇگەدەك بالالارعا پاتەر مەن كولىك سىيلادى

25 مامىر 2024 801

ۇلتتىق اقپاراتتىق كەڭىستىكتە بەتپەدە كيگەن جىگىت مانەرىمەن ەلگە جاقسىلىق جاساپ، قالىڭ كوپشىلىكتىڭ العىسىن الىپ جۇرگەن ازامات تاعى قۋانتتى.ول مۇگەدەك ەكى بالانىڭ اكەسىنە پاتەر مەن كولىك سىيلادى، دەپ حابارلايدى Alash.KZ ۇلتتىق پورتالى. 

ۆيدەودان بايقاعانىمىزداي، ەر ادامنىڭ بالالارى دا، ايەلى دە مۇگەدەك ەكەنى ايتىلادى. ال، ءوزىنىڭ (كەيىپكەر) بوس ۋاقىتتا تاكسي جۇرگىزۋشىسى بولىپ جۇمىس ىستەپ، وتباسىن اسىراۋعا تىرىسىپ جۇرگەنى ءسوز بولادى. 

اكەنىڭ باستى ارمانى - ەكى قىزىنىڭ ساپالى ءبىلىم العانى.

ەر ادامنىڭ تاعدىرى اسەر ەتكەن “بەتپەردە كيگەن جىگىت” ونى شىن مانىندە قۋانتۋدى شەشىپتى. ول ەكى بالانىڭ اكەسىنە ەمدەلۋ ءۇشىن قولما-قول اقشا بەرىپ، سونىمەن قاتار وعان جاڭا پاتەر مەن كولىكتىڭ كىلتتەرىن سىيلادى.

ەستەرىڭىزدە بولسا، بۇعان دەيىن بەتپەردە كيگەن جىگىت سۋ تاسقىنىنان زارداپ شەككەندەرگە كومەك كورسەتكەن ەدى. جالپى، ەلدىڭ نازارىن وزىنە اۋدارىپ، قۇرمەتكە بولەنگەن جىگىت ءبىراز ۋاقىتتان بەرى جارلى ادامدارعا كومەك كورسەتىپ كەلەدى. بىردە التى بالاسى بار جالعىزباستى ايەلگە باسپانا كىلتىن سىيلاسا،تاعى بىردە جۇمباق جىگىت جەرتولەدە تۇرىپ جاتقان اناعا ءۇي الىپ بەردى.

بۇل ماقالا تۋرالى نە ويلايسىز؟