ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

44 جاستاعى استانالىقتىڭ "بايقاتپاي" تاۋىق ەتىن ۇرلاعانى حابارلاندى

22 مامىر 2024 504

استانا قالاسى سارىارقا اۋدانى پب جەدەل ۋاكىلدەرى جەدەل ىزدەستىرۋ ءىس-شارالارىن جۇرگىزۋ بارىسىندا ۇرلىققا قاتىسى بار دەگەن كۇدىكپەن 44 جاستاعى استانالىق ازاماتتى انىقتادى،دەپ حابارلايدى Alash.KZ ۇللتىق پورتالى Polisia.kz-كە سىلتەپ. 

تەرگەۋ بارىسىندا بەلگىلى بولعانى ەر ادام كەشكى ۋاقىتتا بەيبىتشىلىك كوشەسىندەگى دۇكەنگە كەلگەن. قاسكۇنەم دۇكەندە ورنالاسقان سىرا ساتاتىن باردىڭ يەسى شىعىپ كەتكەنىن بايقاپ، قۇلپىن بۇزىپ ىشكە كىرگەن. باردان ول ايەلدەر سومكەسىن الىپ شىعىپ، وقيعا ورنىنان ءىزىن سۋىتقان. وسىلايشا 40 مىڭ تەڭگە ماتەريالدىق شىعىن كەلتىرگەن. سونداي-اق ەر ادام قالانىڭ وڭ جاق جاعالاۋىنداعى بازاردان ءبىر قوراپ تاۋىق ەتىن جىمقىرعانى بەلگىلى بولدى. قاسكۇنەم قويماعا تاۋار كەلىپ جاتقان ساتتە، ىس-ارەكەتىن ەشكىم بايقاماي تۇرعانىنا كوز جەتكىزىپ، قوراپتى الىپ كەتكەن. اتالعان فاكتىلەر بويىنشا قىلمىستىق ءىس قوزعالدى. ەر ادام استانا قالاسى پد ۋاقىتشا ۇستاۋ يزولياتورىنا قامالدى. ونىڭ ەلوردا اۋماعىندا جاسالعان وسىعان ۇقساس باسقا دا قىلمىستارعا قاتىسى بار-جوعى انىقتالادى. استانا قالاسى پوليسيا دەپارتامەنتى ازاماتتاردى ءوز مۇلكىن مۇقيات باقىلاۋدى، باعالى زاتتاردى قاراۋسىز قالدىرماۋدى، ءۇي-جايلاردى سەنىمدى قۇلىپتارمەن جانە كۇزەت دابىلىمەن جابدىقتاۋدى ەسكەرتەدى.

 

بۇل ماقالا تۋرالى نە ويلايسىز؟