سوتتالۋشى بايجانوۆتى مارقۇم نۇكەنوۆانىڭ تۋىستارىنا قارسى قويۋعا ۇگىتتەگەن.
استانادا ايەلىن اسا قاتەگەزدىكپەن ءولتىردى دەپ ايىپ تاعىلعان بۇرىنعى مينيستر قۋاندىق بيشىمبايەۆتىڭ سوتى جالعاسىپ جاتىر.
سوت زالىندا بايجانوۆ ۋاقىتشا قاماۋ يزولياتورىندا وعان باۋىرجان مۋسين ەسىمدى ادام كەلىپ، قازا تاپقان سالتانات نۇكەنوۆانىڭ تۋىستارىنا قارسى قويۋعا كوندىرگەنىن ايتتى دەپ حابارلايدى alash.kz سايتى inbusiness.kz - كە سىلتەپ.
"باۋىرجان مۋسين 4 رەت كەلدى. كەشكى ساعات 21.00 كەزىندە مەن ونىمەن تەرگەۋ يزولياتورىندا كەزدەستىم. ونىڭ قاسىندا بيشىمبايەۆ تۇردى. مەن ولارمەن سويلەسپەي، كەرى بۇرىلىپ كەتىپ قالدىم. مەن دە، مەنىڭ ادۆوكاتتارىم دا بۇل جاعدايدى اكىمشىگە ەسكەرتتىك. ءبىراق ول قۇلاق اسقان جوق. قايتا-قايتا كەزدەسۋگە كەلە بەردى. مەنى سالتاناتتىڭ تۋىستارىنا قارسى ۇگىتتەدى. باۋىرجان ءمۋسيننىڭ كىم ەكەنىن بىلمەيمىن، ءبىراق ونى بىلەتىندەر قوعام قايراتكەرى دەپ ايتادى. ءبىز كەزدەسكەن جەردە كامەرالار بار. ءبارى جازىلىپ تۇر"، - دەدى بايجانوۆ.
ايتا كەتەيىك، ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى كوميتەتى ءتوراعاسىنىڭ بۇرىنعى ورىنباسارى باۋىرجان مۋسين 2018 جىلى پارا العان دەگەن ايىپپەن 7 جىلعا سوتتالعان.
مۋسين "اسسار KZ" كومپانياسىنا 1 ميلليون تەڭگەگە، سونداي-اق كاسىپكەر كۇلشارييەۆتەن 400 000 تەڭگەگە پارا العانى بەلگىلى بولدى. ءقازىر ول تەرمەدە جازاسىن وتەپ جاتىر.
