ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"استاناعا انا تىلىندە سويلەمەيتىن وڭشەڭ ارسىز، نامىسسىز قازاقتار جينالعان" - دەپۋتات ابزال قۇسپان

19 مامىر 2024 780

ق ر ءماجىلىس دەپۋتاتى، زاڭگەر ابزال قۇسپان استاناداعى قازاق ازاماتتارىنىڭ ءوز تىلىنە دەگەن قۇرمەتسىزدىگى مەن سەلقوستىعىن ايىپتادى. ولاردى "ارسىز، نامىسسىز قازاقتارعا" بالاپ، اشىق تا باتىل ۇستانىمىن ءبىلدىردى، دەپ حابارلايدى Alash.KZ ۇلتتىق پورتالى.

دەپۋتات استانا ساياباقتارىنىڭ بىرىندە دەمالىپ جۇرگەن ساتىنەن ۆيدەو جولدادى. بەينەكادرلاردا قازاق ازاماتتارىنىڭ، اعا بۋىن، ورتا جاستاعى وتباسىلى ازاماتتاردىڭ، ءتىپتى بالالاردىڭ قازاق تىلىندە سويلەمەيتىنىن ايىپتايدى. ۇلتتىق تاربيە مەن تالىمنەن جۇرداي بولعان قازاقتاردى ايىپتايدى.  

استاناعا وڭشەڭ نامىسسىز، ارسىز قازاقتار جينالادى بىلەم، ءدال استاناداعىداي ءوز تىلىنەن بەزگەن ورەسىز اتا-انالاردى ەش جەردەن كورىپ، ەش جەردەن كەزدەستىرمەپپىن!

اۆتوردىڭ ۆيدەوسى قىزۋ تالقىعا ءتۇسىپ، كوپتەگەن جەلى قولدانۋشىلارىنىڭ اشۋ-ىزاسىن تۋدىردى. قولدانۋشىلار مۇنداي قۇبىلىستى "ماڭگۇرتتىككە" بالاپ، ءتىل ساياساتىنىڭ دۇرىس جۇرگىزىلمەي وتىرعانىن، تۋعان ءتىلدى تالاپ ەتۋگە كەلگەندەگى زاڭنىڭ سولقىلداقتىعىن جازعىرۋدا.  

بۇل ماقالا تۋرالى نە ويلايسىز؟