ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

استانادا نازاربايەۆ مەكتەبىنىڭ 18 جاستاعى وقۋشىسى پىشاقتالدى

26 مامىر 2024 175
26 مامىردا، جەكسەنبى كۇنى، استانا قالاسىنداعى نازاربايەۆ زياتكەرلىك مەكتەبىنىڭ وقۋشىسى پىشاقتالدى. تالاپكەر بىرنەشە جەردەن ۇرىلعان پىشاق جاراقاتىمەن اۋرۋحاناعا ءتۇستى، دەپ حابارلايدى Alash.KZ ۇلتتىق پورتالى. 

الەۋمەتتىك جەلىدە زارداپ شەككەن ءجاسوسپىرىم قىزدىڭ 12-سىنىپ وقۋشىسى ەكەنى، وعان قارىن، مويىن، جامباس جانە قول ايماعىنا پىشاق جاراقاتتارى سالىنعانى تۋرالى ايتىلادى.

Zakon.kz پورتالىنىڭ حابارلاۋىنشا، استانا قالاسى، ەسىل اۋدانىنىڭ پوليسيا باسقارماسى 18 جاستاعى قىزدى ولتىرۋگە وقتالۋ فاكتىسىنە سايكەس قىلمىستىق ءىس بويىنشا تەرگەۋ امالدارىنىڭ قولعا الىنعانىن جەتكىزگەن. 

"قازىرگى ۋاقىتتا كامەلەتكە تولماعان كۇدىكتى ۇستالىپ، ۋاقىتشا ۇستاۋ يزولياتورىنا قاماۋعا الىندى. بارلىق قاجەتتى ساراپتاما تاعايىندالدى، سوتقا دەيىنگى تەرگەۋ امالدارى جۇرگىزىلۋدە"، - دەپ حابارلادى ەلوردالىق پوليسيا.

تەرگەۋ مۇددەسىنە ساي وزگە اقپارات جاريالاۋعا جاتپايدى. مەكتەپ وقۋشىسىنا قانشا رەت پىشاق ۇرىلعانى تۋرالى رەسمي اقپارات ايتىلمادى. 

بۇل ماقالا تۋرالى نە ويلايسىز؟