ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

اقساقالوۆ اشۋلى: قوستانايلىقتارعا ەسكەرتۋ جاسادى

05 ءساۋىر 2024 122

توبىل ارناسىنان اسايىن دەپ تۇر. سۋ قويماسىنان سۋدىڭ تاسۋىنا بايلانىستى توبىل وزەنى ارناسىنان اسىپ، قوستاناي قالاسىنىڭ شەتكى اۋداندارى مەن ەلدى مەكەندەرىن سۋ باسۋى مۇمكىن.

قوستانايدا ءقازىردىڭ وزىندە توبىل وزەنى جاعالاۋدى باسىپ، باقىلاۋ الاڭدارى سۋ استىندا قالدى. سۋ دەڭگەيى ساعات سايىن كوتەرىلۋدە. جەرگىلىكتى بيلىك شاعىن كوپىردە كەپتەلىس بولماس ءۇشىن وزەن ارناسىن جاساندى تۇردە كەڭەيتىپ، سۋ اعىزاتىن ارىق جاساپ جاتىر.

توبىل ماڭىندا ورنالاسقان ۇيلەردى، ساۋدا ورتالىعى، مەيرامحانا جانە دەمالىس ورىندارىن سۋ باسىپ قالۋى مۇمكىن.

بارلىق اۋدان جانە قالا اكىمدەرىنە سۋ تاسقىنىنا قارسى ءىس-شارالاردىڭ كەشەندى جۇرگىزىلۋىن قاداعالاۋدى تاپسىرامىن. ءبىز تاپ بولعان جاعداي وڭتۇستىك وڭىرلەردەگىدەي كەنەتتەن بولعان جوق، دالادان سۋ كوپ كەلدى. سىزدەردە بارلىق قاجەتتى شارالاردى قابىلداۋعا جەتكىلىكتى ۋاقىت بولدى جانە ءالى دە ۋاقىت بار. ءبىر جارىم-ەكى كۇندەي قالدى. وسى ۋاقىت ىشىندە زارداپتى بولدىرماۋعا كۇش سالىڭىزدار. ەگەر كىمدە-كىمنىڭ مۇلكىن، ءۇيىن نەمەسە كاسىپورنىن سۋ باسىپ قالسا، جاۋاپتىلارعا قاتاڭ شارا قولدانىلادى، - دەدى قوستاناي وبلىسىنىڭ اكىمى قۇمار اقساقالوۆ.

قوستاناي وبلىسىنىڭ ايماقتارىندا 25 ناۋرىزدان بەرى ەرىگەن سۋمەن كۇرەس جالعاسىپ جاتىر. شاراعا مىڭنان استام ادام قاتىسۋدا. سۋ تاسقىنى باستالعاننان بەرى 1284 ادام قۇتقارىلدى، ونىڭ 408ء-ى بالالار. رەسمي دەرەكتەرگە قاراعاندا، سۋ تاسقىنى وڭتۇستىكتەن وبلىس ورتالىعىنا بىرتىندەپ جىلجي باستادى. قۇتقارۋشىلار سۋ ءوتىپ كەتكەن جەرلەردە سەناريي قايتالانۋى مۇمكىن دەيدى. 

بۇل ماقالا تۋرالى نە ويلايسىز؟