باتىس قازاقستان وبلىسىنا رەسەي اۋماعانىن سۋ تاسقىنىنىڭ ەكىنشى كەزەڭى كەلە جاتىر. بۇل تۋرالى «قازگيدرومەت» مەكەمەسى باس ديرەكتورىنىڭ ورىنباسارى سەرىك سايروۆ جاريالادى.
بۇقارالىق اقپارات قۇرالدارى وكىلدەرىنىڭ سۇراعىنا جاۋاپ بەرگەن سەرىك سايروۆ قوستاناي وبلىسىنىڭ ورتالىق، باتىس بولىگىندە قايتادان تاسقىن باستالۋى مۇمكىن ەكەندىگىن باياندادى. سونداي-اق، باتىس قازاقستان وبلىسىندا تاسقىننىڭ ەكىنشى كەزەڭى كۇتىلەتىنىن ايتتى.
– ول كەزەڭنىڭ كوزى – رەسەي اۋماعىنان كەلەتىن سۋدىڭ كولەمى. ويتكەنى يريكلا سۋ قويماسىنان كەلەتىن سۋدىڭ مولشەرى كوبەيىپ، ولاردا سۋدى كۇرت ءتۇسىرۋ جۇمىسى جۇرگىزىلىپ جاتىر. سونىمەن قاتار، جايىققا باشقۇرستاننان ساقمار وزەنى كەلىپ قوسىلادى. ول جاقتان قازاقستاننان كىرگەن ىلەك وزەنى بارادى. سونىڭ ءبارى قوسىلىپ، ورالعا جاقىن كەزەڭدە ۇلكەن سۋ كەلەدى دەپ كۇتىلىپ وتىر. جاقىن كەزەڭ دەگەندە وسى اپتانىڭ اياعىنا دەيىنگى مەرزىمدى ايتىپ تۇرمىن. جايىق وزەنى ءقازىردىڭ وزىندە كوتەرىلىپ جاتىر. ءبىزدىڭ قۇرىلىمدىق بولىمشەلەردىڭ دايىندىعى بويىنشا، دايىندىق قارقىندى ءجۇرىپ جاتىر»، - دەيدى سەرىك سايىروۆ.
سايىروۆ «قازگيدرومەت» وكىلدەرى رەسەي ماماندارىمەن كۇندەلىكتى بايلانىستا ەكەنىن، اقپارات كۇندەلىكتى كەلىپ جاتقانىن ايتادى.
