ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

اپاتتى ايماقتا كاسىپكەرلەر ازىق-تۇلىكتى قىمباتتاتىپ جىبەرگەن

12 ءساۋىر 2024 314

ساۋدا جانە ينتەگراسيا مينيسترلىگى ەلىمىزدىڭ سۋ تاسقىنىنان زارداپ شەككەن 10 وڭىرىندە ازىق-تۇلىك باعاسىنىڭ نەگىزسىز وسۋىنە قارسى شارالار قابىلدانعانىن مالىمدەدى.

مينيسترلىكتىڭ مالىمەتىنشە، كاسىپكەرلىك سۋبەكتىلەرىنە قاتىستى 46 اكىمشىلىك قاۋلى شىعارىلدى، ونىڭ ىشىندە التاۋى ايىپپۇل جانە 40 ەسكەرتۋ. اقتوبە جانە اتىراۋ وبلىستارىنداعى جاعدايعا ەرەكشە نازار اۋدارىلدى، وندا نەگىزگى ازىق-تۇلىك تاۋارلارى، ونىڭ ىشىندە كۇنباعىس مايى، جۇمىرتقا، قاراقۇمىق، ءسابىز، كارتوپ، قىرىققابات جانە قانت بويىنشا تاۋارلىق ۇستەمە باعانى اسىرىپ جىبەرگەن بولشەك ساۋدا كاسىپورىندارى جاۋاپكەرشىلىككە تارتىلدى.

ۆەدومستۆو سونداي-اق ازاماتتارعا باعانىڭ نەگىزسىز كوتەرىلۋ فاكتىلەرىن انىقتاعان جاعدايدا 8 (7172) 74-37-35 سەنىم تەلەفونى ارقىلى حابارلاۋعا بولاتىنىن ەسكەرتتى. سونىمەن قاتار مينيسترلىك قوعامدىق بىرلەستىكتەردى باعا بەلگىلەۋ مونيتورينگى ۇدەرىسىنە بەلسەندىرەك قاتىسۋعا جانە باعانىڭ نەگىزسىز وسۋىنە جول بەرمەۋ ءۇشىن كاسىپكەرلەر اراسىندا اعارتۋ جۇمىستارىن جۇرگىزۋگە شاقىرادى.

قازاقستانداعى سۋ تاسقىنى

ەسكە سالا كەتەيىك، ەلدە بىرنەشە كۇننەن بەرى بىرنەشە وڭىردە سۋ تاسىپ، ونداعان اۋداندا توتەنشە جاعداي جاريالاندى. سۋ تاسقىنى ەڭ ۇلكەن ءقاۋىپ تۋعىزىپ وتىرعان وڭىرلەر قاتارىندا اتىراۋ، باتىس قازاقستان، سولتۇستىك قازاقستان، قوستاناي وبلىستارى بار. رەسەيدىڭ ور قالاسىندا دامبىنىڭ جارىلۋى قوسىمشا قيىندىق تۋعىزعان. قۇلسارى قالاسىندا ەڭ كۇردەلى جاعداي تىركەلىپ، ادام شىعىنى تىركەلدى.

پرەمەر-مينيستر، شتاب جەتەكشىسى وسى رەتتە ولجاس بەكتەنوۆ جاۋاپتىلارعا ءبىرقاتار تاپسىرما بەردى.

بۇل ماقالا تۋرالى نە ويلايسىز؟