ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

التاي قۇلىبايەۆ! "سەرگەكتىڭ" اقشاسى كىمنىڭ قالتاسىنا تۇسەدى؟

24 مامىر 2024 265

قازاقستاننىڭ اۆتوموبيل جولدارىنداعى ويلى-شۇڭقىر مەن شۇرق-تەسىكتەردەن قاشقان اۆتوكولىك يەلەرىنە قيت ەتسە اياماي، وراسان زور كولەمدە ايىپپۇل سالاتىن "سەرگەك" ۆيدەوجۇيەسىنىڭ وليگارح-قوجايىندارىنا مەملەكەتتىك باقىلاۋ قاجەت!

وسىلاي دەگەن قوعام بەلسەندىسى تۇراربەك قۇسايىنوۆ Respublica.kz سايتىنىڭ ينسايدەرلىك اقپاراتىنا سۇيەنىپ (https://respublika.kz.media/archives/22141) "سەرگەكتىڭ" شىنايى بەنەفيسيارى تيمۋر قۇلىبايەۆتىڭ ۇلى التاي قۇلىبايەۆ ەكەنىن مالىمدەيدى. 

"اتالمىش ينسايد اقپاراتتى قۇزىرلى ورگاندار ەگجەي-تەگجەيلى تەكسەرۋ كەرەك" دەيدى قوعام بەلسەندىسى. سونداي-اق قۇسايىنوۆ قازاقستاندىقتاردى پەتيسيا ۇندەۋگە قول قويۋعا شاقىرادى.

"سوندىقتان وسى تۇيتكىل ماسەلەگە وراي، "سەرگەك" جۇيەسىنىڭ اسا جوعارعى ايىپپۇلدارىنا بايلانىستى،ياعني قازاقستاندىقتاردى سۇلىكشە سورعان وليگارحتاردىڭ تابەتىنە تەز ارادا توسقاۋىل قويۋعا شاقىراتىن avaaz.org پلاتفورماسىنا پەتيسيا جاريالادىم.

ناقتىراق ايتسام، بارشا وتانداستارىمدى وسى پەتيسيا-ۇندەۋگە ءبىراۋىزدان قول قويۋعا شاقىرامىن" دەپتى "دەموس" قوعامدىق بىرلەستىگىنىڭ ءتوراعاسى تۇراربەك قۇسايىنوۆ.

بۇل ماقالا تۋرالى نە ويلايسىز؟