ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

الماتىداعى بيلوگيالىق زەرتحانادا امەريكا سىناق جۇرگىزىپ جاتىر

10 ناۋرىز 2022 75

الماتىداعى ورتالىق انىقتامالىق زەرتحانا اقش قارجىسىنا سالىندى. بۇل تۋرالى ق ر پرەمەر-مينيسترىنىڭ ورىنباسارى، سىرتقى ىستەر ءمينيسترى مۇحتار تىلەۋبەردى مالىمدەدى.

«وزدەرىڭىز بىلەسىزدەر، بىزدە الماتىدا ورتالىق رەفەرەنتتىك زەرتحانا بار. بۇل زەرتحانا اقش قاراجاتىنا سالىندى جانە جابدىقتى سولار قامتاماسىز ەتتى. ءبىراق بۇل زەرتحانا تولىعىمەن قازاقستان ۇكىمەتىنە بەرىلدى. ءقازىر قازاقستان ءوز زەرتتەۋلەرى مەن عىلىمي ازىرلەمەلەرىن وسى زەرتحانادا جۇرگىزەدى. امەريكاندىق نەمەسە باسقا ەلدەردىڭ عالىمدارى وندا ەشقانداي سىناق جۇرگىزبەيدى. وسى زەرتحانانىڭ ارقاسىندا ءبىزدىڭ QazVac كوروناۆيرۋسقا قارسى ۆاكسينا ازىرلەندى» دەدى مۇحتار تىلەۋبەردى.

ەسكە سالساق، بۇعان دەيىن اقش مەملەكەتتىك حاتشىسىنىڭ ورىنباسارى ۆيكتوريا نۋلاند ۋكراينادا بيولوگيالىق زەرتتەۋ نىساندارى بار ەكەنىن، ءقازىر كييەۆ پەن ۆاشينگتون وندا جيناقتالعان ماتەريالداردىڭ رەسەيلىك كۇشتەردىڭ قولىنا وتۋىنە جول بەرمەۋ ءۇشىن جۇمىس ىستەپ جاتقانىن ايتقان. سەناتتاعى تىڭداۋ كەزىندە ودان ۋكراينادا حيميالىق نە بيولوگيالىق قارۋ بار ما دەگەن سۇراق قويىلدى.

«ۋكراينادا بيولوگيالىق زەرتتەۋلەرگە ارنالعان قوندىرعىلار بار. ءبىز رەسەيلىك اسكەرلەردىڭ ولاردى باقىلاۋعا الۋعا ارەكەتتەنۋى مۇمكىن دەپ الاڭدايمىز. سوندىقتان ءبىز ۋكرايندىقتارمەن وسى زەرتتەۋ ماتەريالدارىنىڭ كەز كەلگەنىنىڭ رەسەيلىك كۇشتەردىڭ قولىنا تۇسۋىنە جول بەرمەۋ ءۇشىن جۇمىس ىستەپ جاتىرمىز» دەپ جاۋاپ بەردى نۋلاند.

ال رەسەي قورعانىس مينيسترلىگى امەريكا ۋكرايناداعى بيولوگيالىق زەرتحانالاردى پايدالانۋعا 200 ملن دوللاردان استام قاراجات جۇمساعانىن حابارلاعان.



دەرەككوز
بۇل ماقالا تۋرالى نە ويلايسىز؟