الماتىدا "قازاقتەلەكوم" اق قىزمەتكەرلەرى جالاقىنى كوتەرۋدى تالاپ ەتىپ، نارازىلىقتارىن ءبىلدىردى. تەحنيكالىق ءبولىمنىڭ قىزمەتكەرلەرى بۇگىن جۇمىسقا شىقپاي قويعان، دەپ حابارلايدى Alash.Press اقپارات اگەنتتىگى Stan.kz سايتىنا سىلتەمە جاساپ.
ادامدار كومپانيا كەڭسەسىنىڭ سىرتىندا جينالىس وتكىزىپ، وندا جينالعان قىزمەتكەرلەر جالاقى مولشەرىن كوتەرۋدى تالاپ ەتكەن.
"ازىق-تۇلىك باعاسى كۇننەن كۇنگە كوتەرىلىپ جاتسا دا جالاقى سول كۇيىندە قالدى. كابەل سەحىندا ەڭبەك ەتەتىن 100 شاقتى ادام شىقتى"، - دەيدى ەرەۋشىلەردىڭ ءبىرى.
ونىڭ ايتۋىنشا، كومپانيا باسشىلىعى ماسەلەنى شەشۋگە ۋادە بەرگەن.
"جۇمىسشىلار جالاقىنى كوتەرۋدى اۋىزشا تالاپ ەتتى. قازىرگى ۋاقىتتا سەرىكتەستىك باسشىلىعى نارازىلىققا قاتىسۋشىلارمەن كەلىسسوزدەر جۇرگىزىپ، باستاماشىل توپ قۇرۋدى ۇسىنىپ، زاڭ، سونداي-اق سەرىكتەستىكتىڭ ىشكى قۇجاتتارى اياسىندا كاسىپوداقپەن بىرلەسىپ، مىندەتتى تۇردە قارالىمنان وتەتىن باستامالاردى انىقتاۋدا"، – دەپ ءتۇسىندىردى "قازاقتەلەكوم" اق.
كومپانيا جالاقى مولشەرى تۇراقتى تۇردە قارالىمنان وتەتىنىن، ال بۇل ماسەلەدە تەحنيكالىق بولىمدەردىڭ قىزمەتكەرلەرىنە باسىمدىق بەرىلگەنىن ايتتى.
"قازاقتەلەكوم" ءبىرجولعى تولەمدەردى (يندەكساسيالاۋ) جۇرگىزەدى، ول ءوز كەزەگىندە قالىپتاسقان ينفلياسيانى تەڭەستىرەدى جانە الەۋمەتتىك ادىلەتتىلىكتى قامتاماسىز ەتۋگە باعىتتالعان. اتاپ ايتقاندا، بۇگىندە كومپانيانىڭ بارلىق قىزمەتكەرى وسىنداي ءبىرجولعى تولەمدى الدى، وسى ماقساتتارعا سەرىكتەستىك قاراجاتىنان 1 ميلليارد تەڭگەدەن استام قاراجات بولىنگەن"، – دەپ قوستى اكسيونەرلىك قوعام.
سونداي-اق 1 اقپاننان باستاپ "قازاقتەلەكوم" ا8-ۆ6 سىنىپتارى ءۇشىن جالاقى سحەماسىن قايتا قارايدى. بۇدان بولەك، اقپان-ناۋرىز ايلارىندا كومپانيا جىل سايىنعى سىياقىنى تولەۋدى جوسپارلاپ وتىر.
