"ءقازىر الماتى حايۋاناتتار باعىنداعى جاعداي بىزدىكىنە قاراعاندا جاقسى. تومنىڭ كوبەيۋىنە جاعداي جاسالۋى كەرەك ەدى. توم بىزدەن 28 ناۋرىزدا ەشقانداي اۋرۋ بەلگىلەرىنسىز كەتتى. ءبىزدىڭ بىلۋىمىزشە، الماتىعا ەش قيىندىقسىز جەتكىزىلدى. كەيىن الماتىدان سۋرەتتەر مەن جازباشا ەسەپتەردى الدىق. 15 ساۋىردەگى سوڭعى حابارلامادا "ايۋدىڭ جاعدايى جاقسى" ەكەنى ايتىلعان"، – دەدى بوبەك.
الەۋمەتتىك جەلىلەردە چەحيا تۇرعىندارى الماتى زووباعىنا نارازىلىقتارىن ءبىلدىرىپ، جان-جاقتى تەرگەپ-تەكسەرۋدى تالاپ ەتىپ جاتىر.
پراگا زووباعىنىڭ ديرەكتورى ميروسلاۆ بوبەكتىڭ سوزىنشە، اق ايۋ 4 مامىردا ولگەن، ال زووباق بۇل جونىندە 22 مامىردا عانا حابار بەرگەن. ايتۋىنشا ول تۋرالى 18 كۇن بويى جاسىرعان، دەپ جازادى Alash.kz سايتى inbusiness.kz سايتىنا سىلتەپ.