پرەزيدەنت Alatau City جوباسىن جۇزەگە اسىرۋ ماسەلەلەرى بويىنشا كەزدەسۋ وتكىزدى، دەپ حابارلايدى Alash.kz اقوردانىڭ باسپا ءسوز قىزمەتىنە سىلتەمە جاساپ.
قازاقستان-سينگاپۋر بيزنەس فورۋمى اياسىندا الماتى وبلىسىنداعى اسا ءىرى Alatau City جوباسىن ىسكە اسىرۋدىڭ ماڭىزدى اسپەكتىلەرى تالقىلاندى.
كەزدەسۋگە Surbana Jurong كومپانيالار توبىنىڭ باس ديرەكتورى شون چاو، Asia Infrastructure Solutions Singapore كومپانياسىنىڭ ءتوراعاسى جانە Temasek Trust كومپانياسىنىڭ ديرەكتورى حەان فاين ۆونگ، China Development Institute كومپانياسىنىڭ ۆيسە-پرەزيدەنتى سزيان سيۋ، KPMG ASPAC مەملەكەتتىك سەكتورىنىڭ باسشىسى مايكل كامەرلەنگو، Kuok Singapore كومپانياسىنىڭ ءتوراعاسى حۋن ين كۋوك، Boustead Singapore Ltd كومپانيالار توبىنىڭ ءتوراعاسى جانە باس ديرەكتورى فونگ فۋەي ۆونگ، KPMG Korea سەرىكتەسى مۋنگۋ پارك، Samsung C&T Engineering and Construction Group كومپانياسىنىڭ ۆيسە-پرەزيدەنتى يۋنگ-ۆۋك كيم، Kuok Group كومپانياسىنىڭ قارجى ديرەكتورى جانە Allgreen Properties كومپانياسىنىڭ باس ديرەكتورى لەونگ چە تحو، Caspian Group كومپانياسى ديرەكتورلار كەڭەسىنىڭ ءتوراعاسى يۋريي سحاي، سونداي-اق قازاقستان دەلەگاسياسىنىڭ رەسمي وكىلدەرى قاتىستى دەپ جازدى Skifnews.kz اقپارات پورتالى.
قاسىم-جومارت توقايەۆ الەۋەتتى سەرىكتەستەرگە ءىلتيپات بىلدىرە وتىرىپ، Alatau City جوباسى قازاقستاننىڭ عانا ەمەس، بۇكىل ورتالىق ازيا ءوڭىرى ەكونوميكاسىنىڭ كاتاليزاتورى رەتىندە ماڭىزدى سانالاتىنىن اتاپ ءوتتى.
مەملەكەت باسشىسى بۇل جوبانى ىسكە اسىرۋ ماسەلەسى سينگاپۋر پرەزيدەنتىمەن جانە پرەمەر-مينيسترىمەن جۇرگىزىلگەن كەلىسسوزدەر بارىسىندا تالقىلانعانىن ايتتى.
ءبىز سينگاپۋر ستيلىندەگى مۇلدەم جاڭا ءارى ينتەگراسيالانعان مەگاپوليس سالۋعا نيەتتىمىز. ول الەمدىك ستاندارتتارعا ساي كەلەتىن جەتەكشى حالىقارالىق ىسكەرلىك حابقا اينالا الادى. جان-جاقتى ويلاستىرىلىپ جوبالانعان ينفراقۇرىلىم، ءۇي سالۋ كەزىندە يننوۆاسيالىق تەحنولوگيالاردى پايدالانۋ جانە پەرسپەكتيۆتى سالالارعا باسا ءمان بەرۋ – وسىنىڭ ءبارى ورنىقتى دامۋ جوباسى رەتىندە Alatau سity قۇرىلىسىنىڭ ءساتتى ىسكە اسۋىنا ۇلەس قوساتىن اسا ماڭىزدى ەلەمەنتتەر. IT، cتارتاپتار، زەرتتەۋلەر مەن ازىرلەمەلەر، تۇراقتى ءوندىرىس، جاڭارتىلاتىن ەنەرگيا كوزدەرى، اگروبيزنەس، دەنساۋلىق ساقتاۋ سياقتى يننوۆاسيالىق سەكتورلاردىڭ دامۋى رەسۋرس تۇتىنۋعا نەگىزدەلگەن ءداستۇرلى سالالاردان باس تارتۋدىڭ ايقىن كورىنىسى بولۋعا ءتيىس. جاسىل، ورنىقتى ءارى ينكليۋزيۆتى قالا قۇرۋ، البەتتە، ساياسي جاعىنان ۇزدىكسىز ۇيلەستىرۋدى جانە ينۆەستيسياعا قولايلى جاعداي جاساۋدى قاجەت ەتەدى. سوندىقتان قازاقستان ۇكىمەتى اۋدانى مىڭ شارشى كيلومەترگە جۋىق Alatau ارنايى ەكونوميكالىق ايماعىن قۇردى، – دەدى مەملەكەت باسشىسى.
