ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"الاڭداماڭىزدار. حالىقتى حاباردار ەتۋ جۇيەسىنە تەكسەرۋ جۇرگىزىلۋدە". تەلەفونعا كەلگەن حابارلاما نە بىلدىرەدى؟

31 مامىر 2024 319

قازاقستاندىقتار تەلەفونىنا حابارلاندىرۋ الدى. بۇل توتەنشە جاعداي تۋرالى ەسكەرتەتىن جۇيە، - دەپ حابارلايدى Alash.kz سايتى Massaget.kz ماتەريالىنا سۇيەنىپ.

الماتىدا 31 مامىردا ساعات 12:00-دە Mass Alert - تج تۋرالى قۇلاقتاندىرۋ جۇيەسى سىناقتان ءوتتى. 

 
مەملەكەت باسشىسىنىڭ تاپسىرماسىمەن الماتىدا Mass Alert تج تۋرالى جەدەل قۇلاقتاندىرۋ جۇيەسىن ىسكە قوسۋ جوباسى جۇزەگە اسىرىلدى.

ءبىرىنشى كەزەڭدە – 31 مامىردان باستاپ جۇيە Android قۇرىلعىلارىن پايدالانۋشىلار ءۇشىن ىسكە قوسىلدى.

ساعات 12:00-دە Android ءموبيلدى قۇرىلعىلاردى پايدالانۋشىلارعا قازاق، ورىس جانە اعىلشىن تىلىندە - "الاڭداماڭىزدار. حالىقتى حاباردار ەتۋ جۇيەسىنە تەكسەرۋ جۇرگىزىلۋدە. نە بەسپوكويتەس. پروۆوديتسيا پروۆەركا سيستەمى وپوۆەششەنيا ناسەلەنيا. Remain calm. The public alert system is being tested"، - دەگەن حابارلاما كەلىپ ءتۇستى.

ەكىنشى كەزەڭدە iOS قۇرىلعىسىنىڭ پايدالانۋشىلارى جۇيەگە قوسىلادى.

Mass Alert جۇيەسىنىڭ SMS-كە قاراعاندا ءبىرقاتار ارتىقشىلىعى بار. حابارلاما ءموبيلدى وپەراتور جەلىسىنە قوسىلعان، سونداي-اق جەكە تاڭدالعان گەوگرافيالىق ايماقتاعى بارلىق ابونەنتكە كەلەدى. سونىمەن قاتار، جۇيە جەلىلەردىڭ شامادان تىس جۇكتەلۋ جاعدايىندا جۇمىس ىستەيدى. Cell Broadcast تەحنولوگياسىنىڭ باستى ارتىقشىلىعى، قامتۋ ايماعىنداعى بارلىق ابونەنتتى بىردەن ءارى جاپپاي ەسكەرتەدى.

سونداي-اق، Mass Alertء-تى الماتى تجد جەر سىلكىنىسى تۋرالى ەرتە قۇلاقتاندىرۋدىڭ اۆتوماتتى جۇيەسىمەن بىرىكتىرۋ جوسپارلانعان.

بۇل ماقالا تۋرالى نە ويلايسىز؟