ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

اكە مەن بالانىڭ اراعا ون جىل سالىپ تۇسىرگەن ۆيدەوسى الاش جۇرتشىلىعىنىڭ جۇرەگىن ەلجىرەتتى

29 مامىر 2024 919

ۇلتتىق اقپارات كەڭىستىگىندە اكەسى مەن بالاسىنىڭ مەكتەپكە اپارار جول بويىندا ءوزارا تىلدەسكەن ۆيدەوسى قالىڭ قازاقتىڭ جۇرەگىن ەلجىرەتتى. بەينەكادرلاردا اكەسىنىڭ بالاسىن العاش مەپتەپكە جەتەلەپ اپارعان ساۋلەلى ءساتى مەن بىرنەشە جىلدان كەيىنگى ۋاقىت، بالانىڭ 11-سىنىپتاعى كەزى، بەينەلەنگەن، دەپ حابارلايدى Alash.KZ ۇلتتىق پورتالى

ۆيدەونى _stan.kz ءبولىستى. وندا بالاسىنىڭ قولىنا گۇل ۇستاپ العاش مەكتەپكە بارا جاتقانى بەينەلەنەدى. مۇندا ول اكەسىنىڭ قويعان سۇراقتارىنا جاۋاپ بەرىپ، “مەكتەبى قايدا ەكەنىن، قاي سىنىپقا بارا جاتقانىن” بىلمەيتىنىن ايتادى. جانە اكەسىنەن “اكە مەن ۇلكەن بولىپ كەتتىم بە” دەپ سۇرايدى. اكەسى دە وعان “ءيا” دەپ جاۋاپ بەرەدى.

ال ۆيدەونىڭ جالعاسىندا ول بالانىڭ بىرنەشە جىلدان سوڭ 11-سىنىپقا ءوتىپ، ءدال سولاي اكەسىمەن بىرگە بارا جاتقانى كورسەتىلگەن.

– بالام قايدا باراسىڭ؟

– ساباققا…

– نەشىنشى سىنىپ؟

– 11-سىنىپ، اكە مەن ۇلكەن بولىپ كەتتىم بە؟

– ءياا ۇلكەن بولدىڭ، – دەلىنگەن اكەسى مەن بالاسىنىڭ ديالوگىندا.

زىمىراپ جاتقان ۋاقىتتىڭ اجارىنا بالا مەن اكەنىڭ اڭگىمەسى ارقىلى نازار سالعان  جەلىدەگى جۇرتشىلىقتىڭ جۇرەگى ەلجىرەپ، كوپتەگەن پىكىر قالدىردى.

“جىلاپ قالدىق، قانداي كەرەمەت ەستەلىك”، “ۋاقىت قالاي تەز، كوز جاسىمدى ۇستاي الماي وتىرمىن”، “ومىرىمدە كورگەن ەڭ كەرەمەت ۆيدەو”، “جۇرەگىم-اي”، “قانداي جۇرەك تەبىرەنتەر ۆيدەو”،- دەپ جازدى جەلى قولدانۋشىلارى.

بۇل ماقالا تۋرالى نە ويلايسىز؟