ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«ادىلدىك جانە وركەندەۋ» قوعامدىق قورىنىڭ ازاماتتىق قوعامعا، بيزنەس وكىلدەرى مەن بەي-جاي قاراي المايتىن بارلىق قازاقستاندىققا ارنالعان ۇندەۋى

15 ءساۋىر 2024 160
ءبىزدىڭ ەل بۇرىن-سوڭدى بولماعان سۋ تاسقىنىمەن كۇرەسىپ جاتىر. مۇنداي اۋقىمداعى تابيعي اپات سوڭعى رەت 80 جىل بۇرىن تىركەلگەن بولاتىن. ءدال ءقازىر قازاقستاننىڭ 8 ءوڭىرى سۋ تاسقىنى ايماعىندا قالىپ وتىر. بىرنەشە قالا مەن اۋدان تۇگەلدەي سۋدىڭ استىندا قالدى. ەلدى مەكەندەردىڭ كولىك قاتىناسى ءۇزىلدى. ادامدار باسپاناسى مەن مال-مۇلكىنەن ايىرىلدى. رەسپۋبليكا بويىنشا 100 مىڭنان استام ادام ءۇيسىز قالدى. ولاردىڭ 36،5 مىڭى - بالا.


ءبىز زارداپ شەككەن قازاقستاندىقتاردىڭ جاعدايىنا ورتاقتاسا وتىرىپ، مەملەكەتتىڭ سۋ تاسقىنىنىڭ سالدارىن جويۋعا باعىتتاعان شارالارىن قولدايمىز. الايدا، ازاماتتىق قوعامنىڭ قاتىسۋىنسىز بۇل قيىندىقتاردى ەڭسەرۋ مۇمكىن ەمەس. جۇمىلا وتىرىپ سۋ شايعان اۋىلداردى قالپىنا كەلتىرسەك، باسپاناسىز قالعان جۇزدەگەن وتباسىنىڭ قالىپتى ومىرگە ورالۋىنا كومەكتەسە الامىز.

قازىرگى تاڭدا ەل بويىنشا قوردىڭ 1 جارىم مىڭنان استام جاقتاسى وڭىرلەردەگى ەرىكتىلەر، قۇتقارۋشىلار جانە اسكەريلەرمەن بىرلەسىپ، بوگەتتەر مەن بەكىنىستەر سالۋعا، گۋمانيتارلىق كومەكتى جيناۋ جانە تاراتۋعا اتسالىسىپ جاتىر. ەل باسىنا كۇن تۋعان مۇنداي اۋىر شاقتا، ءبىز بىرىگۋگە ۇندەيمىز.

ءقازىردىڭ وزىندە قور بۇل جۇمىسقا بىلەك سىبانا كىرىسىپ، ناقتى شارالاردى جۇزەگە اسىرىپ جاتىر. سونىڭ ءبىرى – «كومەك كەرۋەنى» اكسياسى. قور قىزمەتكەرلەرى زارداپ شەككەن وڭىرلەرمەن بايلانىس ورناتىپ، ولاردىڭ قاجەتتىلىكتەرىنە وراي جەدەل ارەكەت ەتىپ جاتىر. ءبىز سۋ باسقان اۋدان تۇرعىندارىن سۇراستىرىپ، قاجەتتى گۋمانيتارلىق كومەكتىڭ ءتىزىمىن انىقتادىق. وعان ازىق-تۇلىك، تۇرمىستىق زاتتار، سونداي-اق مەكتەپ وقۋشىلارىنا ارنالعان كەڭسە قۇرالدارى كىرەدى. الداعى كۇندەرى استانادان جۇك كولىكتەرى مەن اۆتوبۋستاردان تۇراتىن اۆتوكەرۋەن جولعا شىعادى.

«كومەك كەرۋەنى» 5 وڭىرگە بارادى. تاسقىن سۋدان اسا قاتتى زارداپ شەككەن قوستاناي جانە اقتوبە وبلىستارىنىڭ اۋداندارىنا، ارقالىق پەن اقتوبە ماڭىنداعى اۋىلدار مەن باتىس قازاقستان، قاراعاندى وبلىستارىنىڭ ەلدى مەكەندەرىنە دەيىن جەتىپ، گۋمانيتارلىق كومەكتى ۇلەستىرەدى. ءبىزدىڭ قور قىزمەتكەرلەرى مىنا جاعدايعا بەي-جاي قارامايتىن بارلىق قازاقستاندىقتاردى بۇل اكسيامىزدى قولداۋعا جانە قيىن جاعدايعا تاپ بولعان ادامدارعا قول ۇشىن سوزۋعا شاقىرامىز!

ەكىنشىدەن، قور تاسقىن سالدارىن جويۋعا قازىردەن باستاپ كىرىسۋ قاجەت دەپ ەسەپتەيدى. ۇلكەن سۋ كەتكەندە، ءبىزدى ۇلكەن جۇمىس كۇتىپ تۇر. وسىعان وراي، ءبىزدىڭ قور ەرىكتىلەر جاساعىن قۇراتىنىن حابارلايدى. ەرىكتىلەر جاساعى سۋ قايتقان اۋماقتاردى تازارتىپ، دەزينفەكسيالاۋعا، سونداي-اق زارداپ شەككەن ايماق تۇرعىندارىنىڭ تەزىرەك ۇيلەرىنە ورالۋى ءۇشىن بۇزىلعان نىسانداردى قالپىنا كەلتىرۋگە كومەكتەسەدى. قوردىڭ جاقتاستارى سۋ باسقان اۋماقتاردى قالپىنا كەلتىرۋ ءۇشىن ەرىكتىلەر جاساقتارىنا قوسىلا باستادى. بۇگىندە قىزىلوردا، شىمكەنت جانە تۇركىستان ەرىكتىلەرىنىڭ العاشقى لەگى جولعا اتتانۋعا دايىندالىپ جاتىر.

ەرىكتىلەردىڭ اپات بولعان ايماقتارداعى ۇزدىكسىز جۇمىسى ءۇشىن ولاردى ءبىر وڭىردەن ەكىنشى وڭىرگە جەتكىزىپ، جۇمىس قۇرالدارىمەن، ارنايى كيىممەن جانە ىستىق تاماقپەن قامتاماسىز ەتۋ قاجەت. تاعى ءبىر ماڭىزدى ماسەلە – ەرىكتىلەر تۇراتىن شاتىرلاردى ازىرلەۋ كەرەك. قوردىڭ باستاماسىمەن ەلدەگى ەرىكتى قۇرىلىس جاساقتارىنا كەرەك-جاراق ساتىپ الىنىپ جاتىر. اكسيانى جەدەل وتكىزۋ ءۇشىن بىزگە قازاقستاندىقتاردىڭ كومەگى قاجەت.

سوندىقتان ءبىز، قورى قىزمەتكەرلەرى بيزنەس وكىلدەرىنە جۇگىنىپ، وتاندىق كاسىپكەرلەردى زارداپ شەككەن وڭىرلەردىڭ قالپىنا كەلتىرۋگە ۇلەس قوسۋعا شاقىرامىز! سىزدەر قول ۇشىن سوزباساڭىزدار، بۇل مىندەتتى اتقارۋ قيىنعا سوعادى...

قور ءوز قامقورلىعىنىڭ ءۇشىنشى قادامدى رەتىندە، تابيعي اپاتتان زارداپ شەككەن كىشكەنتاي قازاقستاندىقتاردىڭ دەنساۋلىعىن وڭالتۋدى ۇسىنادى. سۋ باسۋ اۋماعىندا قالعان بالالاردىڭ جازعى دەمالىسىن ۇيىمداستىرىپ، ولارعا پسيحولوگيالىق كومەك كورسەتۋ كەرەك. بيزنەس وكىلدەرى بۇل يگى ىستەن شەت قالمايدى دەپ سەنەمىز. سەبەبى، قازاقستاننىڭ بولاشاعى – دەنى ساۋ ۇرپاقتىڭ قولىندا.

قازاق حالقىندا «اسار» دەگەن ادەمى ادەت-عۇرىپ بار. سول ارقىلى ۇلكەندەر قيىن شاقتا ەشكىمدى جالعىز قالدىرماۋدى، مۇقتاج جانعا قول ۇشىن سوزۋدى ۇيرەتتى. ءبىز ءوزىمىزدىڭ يگى ىستەرىمىز ارقىلى قيىندىققا تاپ بولعان قازاقستاندىقتارعا ولاردىڭ جالعىز ەمەس ەكەنىن كورسەتەمىز! ەندەشە، ەل تاعدىرىنا نەمقۇرايلى قارامايتىن بارلىق قازاقستاندىقتارعا ايتارىمىز: كەلىڭىز، ەلدىڭ قامى ءۇشىن بىرىگەيىك. ءبىز بىرىگە وتىرىپ، بۇل قيىندىقتى دا ەڭسەرىپ شىعامىز!

#ادىلدىك جانە وركەندەۋ #ءبىز بىرگەمىز!
بايلانىس اقپاراتى:
قوردىڭ قابىلداۋ بولمەسى +7 775 293 97 83 (قازاق، ورىس تىلدەرىندە).
باسپا ءسوز حاتشىسى گۇلجان مارحابايەۆا (قازاق، ورىس تىلدەرىندە)، تەل.: +7 701 986 9966،
پوشتا: [email protected]. سايت: adildik.org.kz
بۇل ماقالا تۋرالى نە ويلايسىز؟