اباي وبلىسىنىڭ سوتى ءىرى ورمان ءورتى تۋرالى ءىس بويىنشا ۇكىم شىعاردى.
بورودۋليحا اۋداندىق سوتى قك 292-بابى 3-بولىگى "ءورت قاۋىپسىزدىگى تالاپتارىن بۇزۋ" بويىنشا قىلمىستىق ءىستى قارادى.
"سوت "سەمەي ورمانى" رەزەرۆاتىندا جانە جاڭا ءۇلبى فيليالىندا باسشىلىق لاۋازىمداردى اتقارعان ۆ. جانە ك. ورمان ءورتى كەزىندە ولارعا جۇكتەلگەن ءورتتى ءسوندىرۋدى ۇيىمداستىرۋ جونىندەگى مىندەتتەردى ورىنداماعانىن، جاعدايدى دۇرىس باعالاماعانىن جانە ءورتتى ءسوندىرۋ كەزىندە قاۋىپسىزدىك تەحنيكاسىنىڭ ساقتالۋىن قامتاماسىز ەتپەگەنىن، سونىڭ سالدارىنان 14 ادام قازا تاپقانىن انىقتادى. ۆ. جانە ك. كىناسى كۋاگەرلەردىڭ ايعاقتارىمەن، جۇرگىزىلگەن ساراپتامالارمەن، وقيعا ورنىن تەكسەرۋ حاتتامالارىمەن، زاتتاي دالەلدەمەلەردى الۋ حاتتامالارىمەن جانە ت. ب. تولىق دالەلدەنگەن"، - دەلىنگەن سوتتىڭ حابارلاماسىندا.
وسى ايتىلعانداردىڭ جازاسى رەتىندە سوت ەكى ازاماتتى 7 جىلعا سوتتالدى. سوت ۇكىمى زاڭدى كۇشىنە ەنگەن جوق.
