ەكى باعىتقا اشىلعان جولاۋشىلار پويىزىنىڭ باعاسى قول جەتىمدى، ۋاقىتى ىڭعايلى. ويتكەنى پويىز شار قالاسىنان تاڭعى 6:25-تە شىعىپ، سەمەي قالاسىنا 9:14-تە كەلەدى. ال، سەمەيدەن قايتار جولعا پويىز 17:40 - تا شىعىپ، شارعا 20:14-تە جەتەدى. ياعني، جاڭا باعىتتار ارقىلى جۇرەتىن پويىزدىڭ ۋاقىتى ءۇش ساعاتتان از.
- بۇگىن تاۋەلسىزدىك كۇنى قارساڭىندا «قازاقستان تەمىر جولى» ۇك» جولاۋشىلار تاسىمالى» اق اباي وبلىس اكىمدىگىنىڭ تاپسىرىسى بويىنشا «شار-سەمەي» جانە «اقتوعاي-اياگوز» جاڭا تەمىرجول باعىتتارىنا ەكى پويىزدى ىسكە قوسۋدى ۇيىمداستىردى. پويىز باعىتتارى الەۋمەتتىك ماڭىزى بار بولعاندىقتان، تاسىمالداۋشىلار وڭتايلى تاريف بەلگىلەدى. ازاماتتار اقتوعايدان اياگوزگە دەيىن جول ءجۇرۋ ءۇشىن 650 تەڭگە، سەمەيدەن شارعا دەيىن– 557 تەڭگە تولەيدى ، - دەپ اتاپ ءوتتى «قازاقستان تەمىر جولى» ۇك» جولاۋشىلار تاسىمالى» اق «قالا ماڭىنداعى تاسىمال» فيليالى ديرەكتورى سەرگەي بالاشوۆ.
شار جانە سەمەي قالالارىنا قاتىنايتىن پويىز بۇگىن العاشقى ساپارىن جاسادى. الداعى ۋاقىتتا كەلۋشىلەر سانىنا قاراي قوسىمشا ۆاگوندار جانە باسقا دا تەمىرجول باعىتتارىن ۇيىمداستىرۋ بويىنشا جۇمىستار جۇرگىزىلمەك.
- 2024 جىلعا اباي وبلىسىنىڭ اكىمدىگى تاعى ەكى باعىتتى : «سەمەي-دەگەلەن» جانە «سەمەي-اۋلدى» ىسكە قوسۋدى جوسپارلاپ وتىر. جالپى اشىلعان باعىتتارعا بيلەتتەردى جولسەرىكتىڭ ءموبيلدى تەرمينالى، ينتەرنەت-ساتىلىمدار ارقىلى جانە كاسسالاردان ساتىپ الۋعا بولادى، - دەپ قورىتىندىلادى سەرگەي بالاشوۆ.
