شىعىس قازاقستان ءماسليحات سەسسياسىندا جاڭا اكىمشىلىك-اۋماقتىق ءبولىنىس تالقىلاندى.
جاڭا بولىنىسكە سايكەس شىعىس قازاقستان وبلىسى جالپى اۋدانى 97،8 مىڭ شارشى شاقىرىم اۋماقتىڭ شەكاراسىندا ايقىندالادى. وعان وسكەمەن مەن ريددەر قالالارىنىڭ شەكارالارى، سونداي-اق6 گلۋبوكوۆسكيي، زايسان، كاتونقاراعاي، كۇرشىم، سامارا، تارباعاتاي، ۇلان، شەمونايحا اۋداندارى جانە التاي ءوڭىرى كىرەدى. وسكەمەن وبلىستىڭ اكىمشىلىك ورتالىعى بولىپ قالا بەرەدى.
ورتالىعى سەمەيدە بولاتىن اباي وبلىسى 185،5 مىڭ شارشى شاقىرىم اۋماقتا ورنالاسادى. ونىڭ قۇرامىنا سەمەي مەن كۋرچاتوۆ قالالارىنىڭ شەكارالارى، اباي، اياگوز، اقسۋات، بەسقاراعاي، بورودۋليحا، جارما، كوكپەكتى، ءۇرجار اۋداندارى كىرەدى.
ەسكە سالساق، قازاقستاندا ءۇش جاڭا وبلىس – اباي، ۇلىتاۋ جانە جەتىسۋ پايدا بولادى. بۇل تۋرالى مەملەكەت باسشىسى قاسىم-جومارت توقايەۆ مالىمدەدى.
دەرەككوز
