تالدىقورعاندا پوليسيا دەپارتامەنتىنىڭ بۇرىنعى باسشىسى مارات كۇشتىبايەۆتىڭ زورلاۋ قۇربانى ءوز ارىزىنان باس تارتۋىن تالاپ ەتۋ ماقساتىندا جاسالعان 40 ميلليون تەڭگەنىڭ الاياقتىق فاكتىسى بويىنشا قىلمىستىق ءىس تەرگەلىپ جاتىر. بۇل تۋرالى Alash.kz سايتى كازتاگ-قا سىلتەمە جاساپ حابارلايدى.
"ءقازىر سوتقا دەيىنگى تەرگەۋ امالدارى جۇرگىزىلىپ جاتىر. جاقىندا عانا مەنىڭ قورعاۋشىما قاتىستى ءىس قوزعالدى. سوندىقتان ءىس ءالى سوتتا جوق، بۇل سوتقا دەيىنگى تەرگەپ-تەكسەرۋ بولعاندىقتان مەنىڭ قورعاۋىمداعى ازاماتتىڭ مارتەبەسى قورعاۋعا قۇقىعى بار كۋاگەر"، – دەدى تالدىقورعان قالالىق سوتى حاتشىسىنىڭ مۇددەسىن قورعايتىن ادۆوكات ولەسيا چينيايەۆا.
ادۆوكات بۇل ءىستى ادال ءارى ءادىل تەرگەۋگە شاقىرادى.
"ءبىز ءبارىنىڭ زاڭدى ەكەنىنە عانا نازار اۋدارعىمىز كەلەدى. وسىلايشا، ولار ايتقانداي، زاڭ شەڭبەرىندە شەشىم قابىلدانادى، ءسىز ءوزىڭىز ءتۇسىنىپ تۇرعانداي كۇشتىبايەۆتىڭ باعىنىشتىلارى ءىستى تەرگەپ جاتىر. مەن ءبارىبىر بارلىعىنىڭ ءادىل بولعانىن قالايمىن، ويتكەنى ءقازىر، مەنىڭ تۇسىنىگىم بويىنشا، بارىنە تىكەلەي مەنىڭ كليەنتىم عانا كىنالى. ءبىراق باسقا تۇلعالارعا قاتىستى ماسەلە كوتەرىلگەن جوق"، – دەدى ادۆوكات.
الدىن الا مالىمەت بويىنشا، كۇشتىبايەۆتىڭ ايەلى زورلاۋشى پوليسەيدىڭ جابىرلەنۋشىسىنە حاتشى ارقىلى 40 ميلليون تەڭگە اۋدارعان، ول بۇل ءۇشىن تاعىلعان ايىپتارىنان باس تارتۋى كەرەك بولعان. الايدا ول ءوز ارىز-شاعىمىنان دا، اقشانى دا قايتارماعان. بۇل رەتتە سوتتالعان ەكس-پوليسەيدىڭ ايەلى جابىرلەنۋشىگە ەمەس، سوت حاتشىسىنا قارسى ارىز جازعانى بەلگىلى بولدى.
"ءبىز تىكەلەي كۇشتىبايەۆتىڭ اعاسىنا قاتىستى جانە سول اقشانى تىكەلەي الىپ كەتكەن ادۆوكات پەن جابىرلەنۋشىنىڭ وزىنە قاتىستى ايعاقتار بەردىك. ازىرگە ءبارى وسى. قالعان اقپاراتتى، رۇقسات ەتسەڭىز، كليەنتىممەن كەلىسكەننەن كەيىن عانا باق-قا بەرە الامىن. ويتكەنى ول قاتتى ۋايىمداپ، جاعدايدى ودان ءارى ۋشىعىپ كەتە مە دەپ قورقادى. ونىڭ ايتۋىنشا، بارلىق قىزمەتكەر بىر-بىرىمەن بايلانىستا بولعاندىقتان، بۇل اقپاراتتان كەيىن قاماۋعا الىنادى دەپ الاڭدايدى. جارايدى، نەگىزى جىلاۋدىڭ قاجەتى جوق، كەرىسىنشە، ادىلدىك ىزدەۋ كەرەك دەدىم"، – دەپ قوستى ادۆوكات چينيايەۆا.
مالىمەتتەرگە سۇيەنسەك، كۇشتىبايەۆتىڭ ايەلىنەن 40 ميلليون تەڭگە الدى دەگەن تىكەلەي زورلاۋ قۇربانى ءقازىر تالدىقورعاندا جوق.
