ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سادىر جاپاروۆ نەگە وكىنىپ وتىر؟

20 مامىر 2024 335

قىرعىزستان پرەزيدەنتى سادىر جاپاروۆ بىشكەكتە بولعان جاپپاي توبەلەسكە قاتىستى مالىمدەمە جاسادى، - دەپ حابارلايدى Alash.kz.

ايتا كەتەيىك، 18 مامىرعا قاراعان ءتۇنى بىشكەكتىڭ ءبىرقاتار اۋدانىندا نارازىلىق اكسيالارى ءوتتى، ولار 13 مامىردا بولعان جاپپاي توبەلەسكە قاتىسۋشىلار ءۇشىن ادىلدىك تالاپ ەتتى. ول كەزدە بىشكەك جاتاقحانالارىنىڭ بىرىندە شەتەلدىكتەر مەن قىرعىزستان ازاماتتارى اراسىندا قاقتىعىس بولعان ەدى.

 

"وكىنىشكە قاراي، بارشامىزدى الاڭداتىپ وتىرعان جاعىمسىز وقيعاعا تاپ بولدىق. وسى ارادا اقيقاتتى بىلسە دە، بىلمەسە دە توپتاردىڭ ىس-ارەكەتىنىڭ كەسىرىنەن حالقىمىز بەن مەملەكەتىمىزدىڭ كوپشىلىگى زارداپ شەگىپ، ارانداتۋشى كۇشتەردىڭ ارباۋىنا ءتۇسىپ جاتىر. 13 مامىردا بولعان وقيعاعا جالعان دا، راس اقپاراتتى دا تاراتىپ جاتتى، ونىڭ سالدارىن ءبارىمىز كوردىك. ءيا، قۇقىق قورعاۋ ورگاندارى دەر كەزىندە شارا قولدانىپ، ءوز ارەكەتتەرىن دەر كەزىندە جۇرتشىلىققا جاريا ەتسە، بالكىم بۇلاي بولماس پا ەدى؟"، - دەيدى پرەزيدەنت. 

جاپاروۆ ىشكى ىستەر مينيسترلىگى 13 مامىردا بولعان وقيعاعا كىنالىلەردى قۇرىقتاپ، جەدەل ءىس-شارالار جۇرگىزىپ، كىنالىلەردى قولعا تۇسىرگەنىن ايتتى.

"ءبىراق، وكىنىشكە قاراي، باسقا كۇشتەر، مۇددەلى تاراپتار بۇل جاعدايدى پايدالانىپ، جاعدايدى ۋشىقتىرا ءتۇستى. شەتەلدىك ازاماتتاردىڭ زاڭسىز كوشى-قونىنا توسقاۋىل قويۋ، مۇنداي ارەكەتتەرگە جول بەرگەندەرگە قاتاڭ شارا قولدانۋ سىندى ۇلتجاندى جاستارىمىزدىڭ تالاپتارى دۇرىس ەكەنى ءسوزسىز. ول تالاپتاردى تەك وسى ىستە عانا ەمەس، بۇرىن دا ايتىپ ءجۇرسىز. ءتيىستى مەملەكەتتىك مەكەمەلەر بۇل ماسەلەلەردى ساراپتاپ، ءتيىستى شارالاردى قولعا العانىن دا بىلەسىزدەر.

ءبىراق، جوعارىدا ايتىپ وتكەنىمدەي، ينتەرنەتتە پايدا بولعانعا سەنە الماي، تارازىلاپ، ساراپتاي الماي، وسى ارادا ارانداتۋشىلار ارباۋىنا ءتۇسىپ، بەرەكەلى ەلىمىزدىڭ، مەملەكەتىمىزدىڭ ابىرويىنا نۇقسان كەلتىردىڭىز. دامۋدىڭ داڭعىل جولىنا ءتۇسىپ، ەجەلدەن قوناقجاي حالقىمىز. بۇل وتە وكىنىشتى!"، - دەيدى سادىر جاپاروۆ. 

بۇل ماقالا تۋرالى نە ويلايسىز؟