ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قايرات ساتىبالدى العاندارىن مەملەكەتكە قايتارا ما؟

20 قىركۇيەك 2022 61
قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ نەمەرە ءىنىسى قايرات ساتىبالدىنىڭ سوت وتىرىسى باستالدى، دەپ حابارلايدى الاش.كز.


سوت استانا قالاسىنىڭ №2 بايقوڭىر اۋداندىق سوتىندا ءوتىپ جاتىر. تىلشىلەر قاۋىمى Zoom جۇيەسى ارقىلى قاتىسۋدا. سوت باستالار الدىندا قايرات ساتىبالدى تۋعان ءىنىسى ۇلتتىق قاۋىپسىزدىك كوميتەتى ءتوراعاسىنىڭ بۇرىنعى ءبىرىنشى ورىنباسارى سامات ابىشپەن ۆيدەو ارقىلى سويلەستى. ساتىبالدىنىڭ بىردەڭە تاپسىرىپ جاتقانى بايقالدى. ءوز كەزەگىندە سامات ءابىش "جاقسى برات" دەدى.




سوسىن ءسانيا تويكەن ەسىمدى استانالىق ءتىلشى قايرات ساتىبالدىدان "ءسىز مەملەكەتكە كەلتىرگەن شىعىندى قايتاردىڭىز، ەندى نەگە وتىرسىز؟" دەگەن سۇراق قويعان. ءبىراق ساتىبالدى سوت كەزىندە جاۋاپ بەرە المايتىنىن ايتتى.




سۋديا تىلشىلەرگە اشىق سوت بولعانىمەن، اۋديو-ۆيدەو تۇسىرۋگە تىيىم سالدى.




بۇعان دەيىن تامىز ايىنىڭ سوڭىندا انتيكور قايرات ساتىبالدىعا قاتىستى سوتقا دەيىنگى تەرگەۋ اياقتاعانىن حابارلاعان.




انتيكور ساتىبالدىعا قاتىستى "قازاقتەلەكوم" مەن "كولىكتىك سەرۆيس ورتالىعىنىڭ" قاراجاتىن اسا ءىرى كولەمدە ۇرلاۋ دەرەگىن انىقتاعانىن ءمالىم ەتكەن. ناتيجەسىندە زاڭسىز ساتىپ الىنعان اكتيۆتەر مەن 240 ميلليارد تەڭگە مەملەكەتكە قايتارىلدى. وعان قوسا ايىپتالۋشىلاردىڭ ەل ءىشى مەن شەتەلدەگى جىلجىمايتىن مۇلىك، اۆتوموبيلدەرى جانە 400 ميلليارد تەڭگە قاراجاتى انىقتالدى، ولار جاقىن ارادا مەملەكەتكە قايتارىلادى.

بۇل ماقالا تۋرالى نە ويلايسىز؟