ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

1 ساۋىردەن باستاپ مۇعالىمدەردى جۇمىسقا الۋ فورماتى وزگەرمەك

29 ناۋرىز 2024 311

بۇل شارا سىبايلاس جەمقورلىققا قارسى جانە كونكۋرستىق راسىمدەردى اشىق وتكىزۋگە باعىتتالعان.


1 ساۋىردەن باستاپ پەداگوگتەردى مەكتەپكە جۇمىسقا قابىلداۋ بويىنشا جاڭا مودۋل ىسكە قوسىلادى. بۇل تۋرالى وقۋ-اعارتۋ مينيسترلىگىنىڭ باسپا ءسوز قىزمەتى حابارلادى.
سيفرلىق قىزمەت ۇلتتىق ءبىلىم بەرۋ دەرەكتەر قورىنا ەنگىزىلدى. بۇل شارا سىبايلاس جەمقورلىققا قارسى جانە كونكۋرستىق راسىمدەردى اشىق وتكىزۋگە باعىتتالعان.


سونداي-اق پەداگوگتەردى اتتەستاتتاۋدا قۇجاتتاردى تاپسىرۋ بويىنشا دا اۆتوماتتاندىرۋ ەنگىزىلىپ جاتىر. ەندى پەداگوگتەردىڭ بارلىق مالىمەتى "پەداگوگ پورتفوليوسى" مودۋلىندە جيناقتالادى. مۇندا پەداگوگ تۋرالى، ونىڭ ءبىلىمى، دەنساۋلىق جاعدايى، جۇمىس تاجىريبەسى، قۇقىق بۇزۋشىلىقتار، اتتەستاتتاۋدان ءوتۋ، ماراپاتتارى جانە تالىمگەرلىك پەن سيفرلىق قۇجاتتار تۋرالى ەلەكتروندىق اقپارات ساقتالادى.

"اشىقتىق پەن ەسەپتىلىكتىڭ بولۋى سىبايلاس جەمقورلىققا قارسى كۇرەستە باستى ءرول اتقارادى. وسى مودۋلدەردى ەنگىزە وتىرىپ، پەداگوگتەردى جۇمىسقا قابىلداۋ كەزىندە قاعاز جۇزىندەگى قۇجات اينالىمىن جانە سىبايلاس جەمقورلىق تاۋەكەلدەرىن تولىق جويۋ جوسپارلانىپ وتىر. جۇيەنى ىسكە قوسۋ الدىندا باسقارما، بولىمدەر مەن ءبىلىم بەرۋ ۇيىمدارىنىڭ ماماندارى ءۇشىن وقىتۋ ۇيىمداستىرىلدى"، – دەدى وقۋ-اعارتۋ مينيسترلىگى سيفرلاندىرۋ دەپارتامەنتى ديرەكتورىنىڭ ورىنباسارى مايرا مارالبايەۆا.

 

بۇل ماقالا تۋرالى نە ويلايسىز؟