ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جارتاسقا جازۋ جازعان شەنەۋنىك جاڭا قىزمەتكە تاعايىندالدى

26 ناۋرىز 2024 356

ماڭعىستاۋداعى ىبىقتى-Cاي شاتقالىندا ويىپ جازۋ جازعان شەنەۋنىك جاڭا قىزمەتكە تاعايىندالدى. ول ەندى اقتوبە وبلىسىنداعى بايعانين اۋداندىق مادەنيەت ءۇيىن باسقاردى.

«ەۋرازيا» تەلەارناسىنىڭ حابارلاۋىنشا، قازاق زاعيپتار قوعامىنىڭ قالالىق مادەنيەت ءۇيىنىڭ ەكس-ديرەكتورى ماناس كوشەربايەۆتىڭ تاعى دا باسشىلىق قىزمەتكە كەلگەن.

«بيىل 15 اقپاندا بايعانين اۋداندىق مادەنيەت ءۇيىنىڭ ديرەكتورىنىڭ بوس لاۋازىمىنا ورنالاسۋعا كونكۋرس جاريالاندى. قۇجاتتارى كونكۋرس تالاپتارىنا سايكەس كەلەتىن كەز كەلگەن قازاقستان ازاماتى ءوتىنىش بەرە الادى. كونكۋرسقا ءۇش ادام قۇجات تاپسىردى. ونىڭ ىشىندە كوشەربايەۆ ماناس مارات ۇلى دا بولدى. كونكۋرستىق كوميسسيادا ەكى ازاماتتىڭ بىلىكتىلىگى تالاپقا ساي كەلمەيتىنى، ەكى كانديداتتىڭ دا باسشىلىق قىزمەت اتقارماعانى بەلگىلى بولدى. ال ماناس كوشەربايەۆتىڭ قۇجاتتارى بارلىق تالاپقا ساي كەلدى. سوندىقتان ول 6 ناۋرىزدا بايعانين اۋداندىق مادەنيەت ءۇيىنىڭ باسشىسى بولىپ تاعايىندالدى»، - دەلىنگەن حابارلامادا.

ەسكە سالساق،بۇعان دەيىن ماڭعىستاۋداعى ىبىقتى ساي شاتقالىندا ويىپ جازۋ جازعان ەر ادامنىڭ ارەكەتى ۆيدەوعا ءتۇسىپ قالعانىن حابارلاعانبىز. ەر ادام بالعا، بۇراعىشقا ۇقساس زاتپەن جارتاسقا ويىپ جازادى. الەۋمەتتىك جەلىلەردە ەر ادامنىڭ ەرسى ارەكەتى تۇسىرىلگەن ۆيدەو تارادى.

بۇل ماقالا تۋرالى نە ويلايسىز؟