Reseı lıberal demokratıalyq partıasynyń jetekshisi, últraultshyl saıasatker Vladımır Jırınovskıı 75 jasynda qaıtys boldy. Bul jóninde memlekettik dýma tóraǵasy Vácheslav Volodın habarlady. Aqpan aıynyń basynda Jırınovskııdiń koronavırýsqa shaldyǵyp, aýrýhanaǵa túskeni belgili bolǵan.
"Vladımır Volfovıch Jırınovskıı aýyr ári sozylmaly aýrýdan qaıtys boldy" dep jazdy memlekettik dýma spıkeri Vácheslav Volodın telegram-arnasynda.
Aqparat quraldary 25 naýryzda jańylysyp, aýrýhanada jatqan LDPR jetekshisiniń qaıtys bolǵany týraly aqparatty taratqan kezde Volodın málimetti joqqa shyǵarǵan. Ol Jırınovskıı ólimi jaıly birinshi bolyp habarlaǵan BAQ-ty sotqa beretinin aıtqan.
(Aqparat tolyqtyrylady).
