Tiri bolsam, qazaqqa qyzmet etpeı qoımaımyn!

Álıhan Bókeıhan

Jastarǵa jol kórsetti

01 naýryz 2022 127
Elimizde 29 jasqa deıingi azamattar sany 4 mıllıonǵa jýyqtaıdy. Tepse temir úzetin sol jastardyń 40 paıyzy eki qolǵa bir kúrek tappaı, bos sandalyp júr.



Jumyssyzdyqty joıý maqsatynda oqýshylardy mektep qabyrǵasynda kásipke baýlý kerek deıdi mamandar. Tipti Prezıdent te jastardy tehnıkalyq mamandyqtarǵa tartý kerektigin aıtqan. Óıtkeni qazir laqtyrǵan taıaq zańger men qarjygerge baryp tıetin boldy. Al elimizde jol salasynyń mamandary tapshy. Eýropa men Azıany jalǵaıtyn, jer kólemi boıynsha álemde 9-oryn alatyn Qazaqstannyń tranzıttik ahýalyn arttyrý úshin myńdaǵan shaqyrym jol salynýy tıis. Bul aýqymdy jumysqa shetelden maman shaqyrtpaı-aq, óz jastarymyzdy jol salasyna baýlyǵan áldeqaıda tıimdi. Sondyqtan «Jol aktıvteri ulttyq sapa ortalyǵynyń» qyzmetkerleri mektepterdi aralap, jastarǵa kásibı baǵdar berýdi bastady.



Jyl sońyna deıin elimizdiń ár túpkirindegi, alys-shalǵaı aýyldardaǵy eki myńǵa jýyq bilim oshaǵyn aralaý josparda bar. Osy aptada «Jol aktıvteri ulttyq sapa ortalyǵy» Almaty oblystyq fılıalynyń basshysy shekara shebinde jatqan Kegen aýdanyna at basyn burdy. Bul laýazymǵa jańadan taǵaıyndalǵan Máýlen Álipov alǵashqy saparyn óziniń týǵan aýylynan bastaýdy jón sanaǵan. Jalańash, Toǵyzbulaq, Aqaı Núsipbekov aýyldaryndaǵy tórt mektepke baryp, oqýshylarmen kezdesý uıymdastyrdy. Oqýshylarǵa jol salasy týraly jan-jaqty maǵlumat berip, suraqtaryna jaýap berdi. Bul mektep bitirip, úlken ómirge qadam basatyn jastardyń mamandyq tańdaýyna mol múmkindik. Óıtkeni árbir oqýshy óziniń ıkemi men qabiletine qaraı bolashaq baǵdaryn qazirden aıqyndaýy tıis. Sondyqtan keleli kezdesý óte joǵary deńgeıde ótti. Oqýshylardyń ynta-yqylasy men jol salasyna degen qyzyǵýshylyǵy basym ekeni baıqaldy. Máselen bolashaqta jolshy bolamyn degenderi qaı pándi tereńdetip oqý kerektigin, qyzmetkerlerdiń aılyǵy, joldardyń sapasy qalaı baqylanatyny týraly san saýal qoıyp, tushshymdy jaýap aldy.


Bul sapar barysynda Almaty oblysyndaǵy joldardyń da sapasy tekserildi. Máselen, Almaty-SHelek-Qorǵas tas jolynyń boıyndaǵy qorshaýlar búlingen eken. Sondaı-aq týrıser kóp keletin Kólsaı kólderine baratyn joldar jyrtyq-jamaý. «Jol aktıvteri ulttyq sapa ortalyǵy» Almaty oblystyq fılıalynyń mamandary bul kemshilikterdiń bárin tirkep, «QazAvtoJol» mekemesine joldady. Jol boıyndaǵy shuryq-tesikter men qıraǵan qorshaýlar tez arada qalpyna keltiriletin bolady.

«Jol aktıvteri» USO,

Almaty oblystyq fılıalynyń baspasóz qyzmeti
Bul maqala týraly ne oılaısyz?