Tiri bolsam, qazaqqa qyzmet etpeı qoımaımyn!

Álıhan Bókeıhan

Jańaózen men Beıneýde ereýildegen jumysshylar jańa vıdeoúndeý jarıalady

14 aqpan 2022 146
[ad_1]



Jańaózendegi ákimdik aldynda aqpannyń 1-nen beri jumys talap etip turǵan qala turǵyndary búgin Qazaqstan prezıdenti Qasym-Jomart Toqaevqa, "Qazmunaıgaz" ulttyq kompanıasynyń basqarma bastyǵy Alık Aıdarbaevqa, Mańǵystaý oblysy ákimi Nurlan Noǵaevqa taǵy vıdeoúndeý joldady. Bul joly olar munaı-gaz salasyna jumysqa alýǵa jarıalanǵan moratorıı kúshin joıýdy talap etti.


Narazylar ókili málimdemeni daýystap oqyp beredi:


- 2022 jyldan bastap moratorıı joıylsyn! "Ózenmunaıgaz" shtaty keńeıtilip, oǵan qyzmet kórsetetin kompanıalarǵa jumyssyzdar jumysqa alynsyn! Munaı-gaz óndiretin jańa jumys oryndary ashylsyn. Biz, Jańaózen qalasynyń jumyssyz halqy, Qasym-Jomart Kemeluly Toqaevtan osy óńirge kelip máselemizdi tezirek sheship berýin talap etemiz!


Osydan soń jınalǵan jurt "Talap etemiz!" dep qosyla aıqalaıdy.


Dúısenbide "Ózenmunaıgaz" kompanıasyna qyzmet kórsetetin FTC WIN mekemesiniń jumysshylary da jumysyn toqtatatynyn habarlaǵan vıdeony áleýmettik jelide jarıalady.


- Aramyzda az qamtylǵan otbasyly azamattar, kóp balaly analar bar. Naryqtaǵy baǵanyń ósýine baılanysty otbasyn asyraý qıynǵa soǵyp barady. Bizdiń talaptarymyz oryndalmaýyna baılanysty jumysty toqtatýǵa májbúrmiz. Bizdi bolashaǵy bar mýnaı-gaz salasyna shtatqa ótkizýdi talap etemiz! - deıdi vıdeoda jınalǵan narazy jumysshylardyń biri.


Bul kúni Mańǵystaý oblysy Beıneý aýdanyndaǵy veterınarlyq stansıa qyzmetkerimiz degen bir top adam jalaqyny kóterýdi talap etip, aıtqany oryndalmasa, 1 naýryzdan jumysty toqtatynyn málimdedi. Olardyń da úndeýi áleýmettik jelide tarady. Veterınarlar úndeýin prezıdentten bólek, aýyl sharýashylyǵy mınıstri Erbol Qarashúkeevke de arnaǵan. Olardyń aıtýynsha, eńbek ótili 15-40 jyl arasyndaǵy joǵary sanatty dáriger bolǵanyna qaramastan, aılyq jalaqylary 50-70 myń teńgeden (112-162 dollar) aspaıtynyn aıtady.


Olar jalaqyny 68 paıyzǵa kóterip, zıandylyq úshin tólenýi tıis 12 paıyz jene veterınarıa salasyna qosylǵan 23 paıyz ústemaqyny tóleýdi talap etedi.


Narazy vetrınarlardyń aıtýynsha, Qazaqstannyń aýylsharýashylyq mınıstri Erbol Qarashúkeev 3-9 aqpanda Mańǵystaýdy aralaǵanymen, veterınarlyq stansıalarǵa soqpaǵan.


Azattyq Mańǵystaý oblystyq aýyl sharýashylyǵy basqarmasyna jáne FTC WIN kompanıasyna habarlasyp, komentarı ala almady.


Jańaózende qazir eńbek jaǵdaıyn jaqsartyp, eńbekaqyny kóterýdi talap etip taǵy birneshe kompanıa ereýildep tur. "Burǵylaý" JSHS, "Temirtas" JSHS, "RKSÝ-Aqtaý" JSHS jumysty toqtatyp, ereýildep turǵandaryna aptaǵa jaqyn ýaqyt boldy.


Jańaózendegi jumyssyzdar talabyn oryndaý úshin jergilikti bılik 161 jumys ornyn usynyp, naýryz aıynan bastap taǵy da 400 jumys orynyn ashýǵa ýáde bergen. Bılik usynǵan jumys oryndaryna keıbir qala turǵyndary ornalasqan.


Aqpannan beri Mańǵystaýda ereýil kóbeıdi. Olardyń keıbiri narazylyqtan soń talaptaryna qol jetkizdi.








[ad_2]

Derekkóz
Bul maqala týraly ne oılaısyz?