Qazaqstan Respýblıkasynyń Memlekettik hatshysy Erlan Qarın Telegram arnasynda elimizdiń Konstıtýsıasyna engiziletin ózgerister týraly málimdeme jasady.
«Búgin Konstıtýsıalyq keńes elimizdiń Konstıtýsıasyna engiziletin ózgerister jobasyna oń qorytyndy berdi. Bul – ultymyz ben memleketimizdiń bolashaǵyna áser etetin asa mańyzdy konstıtýsıalyq reformalardyń oryndalýynyń mańyzdy qadamy», – dedi ol.
Memlekettik hatshy aldaǵy konstıtýsıalyq reformalardyń bılik qurylymdary arasyndaǵy balansty saqtaýǵa, el basqarýǵa halyqtyń tikeleı qatysýyna, azamattardyń konstıtýsıalyq quqyqtarynyń qorǵalýyna baǵyttalatynyn aıtty.
«Sondaı-aq, jumys tobynyń birneshe múshesiniń usynysyn eskere otyryp, Konstıtýsıalyq keńeske birinshi prezıdenttiń statýsy týraly normanyń kúshin joıý týraly suranys jiberildi. Jumys toby músheleriniń pikirinshe, birinshi prezıdenttiń eńbegi kópshilikke belgili jáne Konstıtýsıamen bekitýdi qajet etpeıdi», – dep jazdy Qarın.
