"Samuryq Qazyna" qory basqarmasynyń tóraǵasy Almasadam Sátqalıev "Qazaqtelekom" ulttyq kompanıasynyń aksıalary týraly málimet berdi.
Bunyń aldynda Qazaqstan úkimeti kompanıa aksıalarynyń 28,8 paıyzyn memleket menshigine qaıtarý týraly sheshim shyǵarǵan. Bul aksıalarǵa Qazaqstannyń burynǵy prezıdenti Nursultan Nazarbaevtyń nemere inisi Qaırat Satybaldy Skyline Investment Company S.A jáne Alatau Capital Investment kompanıalary arqyly ıelik etedi.
Almasadam Satkalıev bul aksıalardy ol úkimetten alǵanyn eske saldy.
— Qaırat Satybaldy aksıalardy úkimetke "syılaýǵa ázir" ekenin bilemiz. Sosyn úkimet ol aksıalardy ne "Samuryq Qazynaǵa", ne basqa sheshim qabyldaıdy. Biz úkimet sheshimin quptaımyz, — dedi Sátqalıev.
Qaırat Satybaldynyń ol aksıalardy qaıtarǵysy keletin onyń ustalýyna baılanysty ma degen saýalǵa "Samuryq Qazyna" qorynyń basshysy jaýap bermedi.
Kompanıa aksıalarynyń memleket menshigine ótetini týraly málimet 12 sáýirde tarady. Al 13 naýryzda Qaırat Satybaldy "qyzmet babyn asyra paıdalandy", "Qazaqtelekom" qarajatyn talan-tarajǵa saldy" degen kúdikpen ustaldy. Eki kúnnen soń astanalyq sot ony eki aı qamaýda ustaý týraly sheshim shyǵardy.
