Tiri bolsam, qazaqqa qyzmet etpeı qoımaımyn!

Álıhan Bókeıhan

Zelenskıı BUU Qaýipsizdik keńesinde Reseıdiń áskerı qylmystary týraly aıtty

06 sáýir 2022 108
[ad_1]



Ýkraına prezıdenti Vladımır Zelenskıı seısenbi kúni BUU Qaýipsizdik keńesinde sóz sóıledi. 24 aqpanda Reseı Ýkraınaǵa basyp kirgeli beri Zelenskıı Qaýipsizdik keńesiniń otyrystaryna qatyspaǵan.

Ýkraına prezıdenti Qaýipsizdik keńes múshelerin Reseı áskeriniń Ýkraına aýmaǵynda jasaǵan qylmystary úshin jaýapqa tartýǵa shaqyrdy. Ýkraın basshysy Kıev túbindegi Býcha qalasyndaǵy jantúrshigerlik oqıǵalar týraly aıtyp berdi. Kimder ekenin anyqtap jatpastan otbasylardy túgeldeı qyrǵan, dedi Zelenskıı.

"Býchada qylmys ataýlynyń bári jasalǵan. Olar qart kisilerdi de, balalardy da óltirgen, tipti adam órteýge talpynǵan. Turǵyndardy kóshede atqan, úıde óltirgen, olardy tankilermen taptaǵan, áıelderdi zorlaǵan, balalardyń kózinshe óltirgen. Olar eldi úıindige aınaldyryp jatyr", - dedi Ýkraına prezıdenti.

Buǵan qosa, Zelenskıı "agresor azyq-túlik daǵdarysynyń da týyndaýyna yqpal etkenin, sonyń saldarynan Afrıka men Azıada ashtyq bolatynyn" aıtty.

Ýkraına prezıdenti Býchadaǵy qyrǵyndy Ekinshi dúnıejúzilik soǵystan bergi "eń jantúrshigerlik áskerı qylmys" dep atady.

Reseıdiń halyqaralyq uıymdaǵy turaqty ókili Vasılıı Nebenzá BUU Qaýipsizdik keńesiniń seısenbidegi otyrysynda Reseı Ýkraınadaǵy "azamattyq nysandarǵa soqqy jasamaıdy, beıbit turǵyndardy qorǵaıdy" dep málimdedi.

Reseı áskeri tastap ketken Býcha qalasynda ondaǵan máıit shashylyp jatty, olardyń keıbiriniń qoly baılanǵany anyqtaldy. Buǵan qosa, qalada adamdardy bir orynǵa jappaı kómgeni málim boldy. Ýkraın bıligi Býchada 300-den astam beıbit turǵyn reseılik jaýyngerler qolynan mert boldy dep málimdedi.

Reseı Býchada beıbit turǵyndardy óltirdi degen aıyptaýlardy joqqa shyǵaryp otyr.



[ad_2]

Derekkóz
Bul maqala týraly ne oılaısyz?