Bılik uıaly baılanys operatorlarynyń birin (Kcell nemese Tele2) básekege qabiletti naryqqa shyǵarý máselesin qarastyrýda.
Eki uıaly baılanys operatory da qazir eldegi uıaly baılanystyń 60 paıyzyn ıelenetin monopolıs «Qazaqtelekomǵa» tıesili.
Olar úsh jyl buryn uıaly baılanys operatorlarynyń birigýimen bizge uıaly baılanys sapasy jaqsarady dep ýáde bergen bolatyn. Úkimet jaǵdaıdyń «keremet» bolyp ketpegenin moıyndady.
Sıfrlyq damý mınıstri Baǵdat Mýsın «Qazaqtelekomdy» monopolıasyzdandyrýdy usynsa, Premer-Mınıstr Álıhan Smaıylov bul úshin bir apta ýaqyt berdi.
Sonymen qatar, Bas prokýratýra Kcell-diń bir bóligin satý boıynsha jasalǵan mámilede memleketke keltirilgen zalaldyń bar-joǵyn tekseretin bolady. «Qazaqtelekom» AQ ótken jyldyń qyrkúıek aıynyń sońynda Kcell-diń 24 paıyzyn satý týraly habarlaǵan bolatyn.
Bul týraly qurylǵan Básekelestikti qorǵaý jáne damytý agenttiginiń «Qazaqtelekomnyń» uıaly baılanystaǵy 62 paıyzdyq úlesi «úlken basymdyq» dep habarlaýynan keıin belgili boldy.
— Alǵashynda «Qazaqtelekom» Altel-di satyp alyp, uıaly baılanys naryǵynyń 11 paıyzyn ǵana ıelendi. Odan keıin «Mobaıl Telekom – Servıspen» biriktirilgende úlesi 28 paıyzǵa deıin ósti. 2018–2019 jyldardaǵy sońǵy mámileniń qorytyndysy boıynsha Qazaqtelekom Kcell-di satyp alyp, búkil naryqtyń 62 paıyzyn jeńip aldy, – dedi sol kezdegi Básekelestikti qorǵaý jáne damytý agenttiginiń basshysy Serik Jumanǵarın.
Derekkóz
