«Habar» Agenttigi» AQ Basqarma Tóraǵasy Kemelbek Oıshybaev qoǵamnyń qatal synyna ushyrap, jabylyp qalǵan «Biraq» tok-shoýyn júrgizgen jýrnalıserdi endi efırge shyǵarý arnanyń josparynda joq ekenin aıtty.
Onyń sózinshe, basty keıipkerdiń burynǵy kúıeýin efırge shyǵarý týraly kelisim «Habar» agenttigimen seriktesip jumys isteıtin prodakshn kompanıa arasynda aýyzsha jasalǵan.
«Bul oqıǵa - «Habar» agenttiginiń seriktesi bolyp keletin prodakshn kompanıanyń tarapynan bolǵan olqylyq. Olar bergen usynysta basty keıipkerdiń joldasy efırge keletini týraly jazylmaǵan. Keıin prodúserlerimen aýyzsha kelisildi dep aıtyldy. Biz bolǵan oqıǵaǵa baılanysty keıipkerden keshirim suradyq, tok-shoýǵa qatysty tıisti sharalardy qabyldadyq. Senarıdi qabyldaǵan bas prodúser qyzmetinen ketti. Tok-shoýdy júrgizgen jýrnalıserdi qaıta efırge shyǵarý josparda joq», - dedi Oıshybaev Komıtet otyrysynda.
