Atyraý oblysy Jylyoı aýdanyna qarasty Qulsary qalasynda sý tasqynynan zardap shekken er adamnyń máıiti tabyldy. Osydan eki-úsh kún buryn joǵalǵan ákesi men balasyn qutqarýshylar áli izdestirip jatyr. Bul máıitke olardyń qatysy joq, dep habarlaıdy Alash.kz.
Atyraý oblysy tótenshe jaǵdaılar departamentiniń habarlaýynsha, búgin (9 sáýir) saǵat 12:27 shamasynda dúkenderdiń biriniń janynan er adamnyń máıiti tabyldy. Máıittiń kimdiki ekeni ázirge belgisiz.
«Máıit polısıaǵa tapsyryldy», - dep habarlady TJD.
6 sáýir kúni "úıin qarap kelýge ketken" ákesi men uly áli tabylmady. Bul tabylǵan máıittiń olarǵa túk qatysy joq ekeni aıtyldy.
«Biz áli izdep jatyrmyz, biraq búgingi máıit joǵalǵan adamǵa da, onyń ulyna da tıesili emes», - dep túsindirdi tótenshe jaǵdaılar departamenti.
