Sonda da qarjy salasyn retteıtin organ ishki ekonomıkada ınflásıa qysymy saqtalyp otyrǵanyn eskertedi, dep habarlaıdy Ulysmedia.kz.
Ulttyq banktiń habarlaýynsha, jyldyq ınflásıa 2023 jyldyń sońyna qaraı bir tańbaly mánge jetken. Aılyq ınflásıa jeltoqsanda ortasha jyldyq mánderden birshama joǵary bolǵan. Syrtqy ınflásıalyq prosester azyq-túliktiń álemdik baǵasynyń tómendeýi men ortalyq bankterdiń tejeý saıasatyna baılanysty qolaıly qalyptasyp otyr. Fıskaldyq yntalandyrýmen qamtamasyz etilgen ornyqty ishki suranys, sondaı-aq joǵary jáne turaqsyz ınflásıalyq kútýler tarapynan ishki ekonomıkada ınflásıalyq qysym saqtalady.
– Jyldyq ınflásıa 2023 jylǵy jeltoqsanda 9,8%-ǵa deıin tómendedi. Ulttyq banktiń boljamyna sáıkes keldi. Baǵa ósiminiń baıaýlaýy júrgizilip jatqan aqsha-kredıt saıasatyna, azyq-túliktiń álemdik baǵasynyń jáne óndiris shyǵasylarynyń tómendeýine, bıliktiń ınflásıaǵa qarsy sharalaryna, sondaı-aq ótken jylǵy joǵary baza áseriniń yqpalyna baılanysty. Aılyq ınflásıa ortasha jyldyq mánderinen (0,7%) biraz joǵary qalyptasyp, 0,8% boldy. Tutynýshylyq baǵalardyń ornyqty bóligin sıpattaıtyn bazalyq ınflásıa jeltoqsan aıynda azdap jedeldedi. Jalpy alǵanda, bazalyq jáne maýsymdyq faktorlardy eskermeıtin ınflásıa kórsetkishteri birneshe aı boıy turaqty bolyp otyr. Bul rette olar áli de belgilengen targetten joǵary. Jalpy ınflásıany 5%-ǵa deıin senimdi túrde tómendetý úshin 2025-2026 jyldary onyń ornyqty bóligin odan ári baıaýlatý qajet, – delingen UB habarlamasynda.
Proınflásıalyq táýekelder ınflásıalyq kútýlerdiń turaqtanbaýyna, fıskaldyq ımpúlstiń yqtımal kúsheıýine jáne tutynýshylyq kredıtteýdiń joǵary ósýine baılanysty. Sonymen qatar yqtımal táýekelder tómen ónim nátıjesinde azyq-túlik baǵasynyń dınamıkasyndaǵy belgisizdikke jáne retteletin baǵalar salasyndaǵy reformalardyń aıaqtalmaýyna baılanysty. Syrtqy sektorda negizgi saýda-seriktesterdiń biri – Reseıdegi joǵary ınflásıaǵa baılanysty táýekelder áli de bar.
Ulttyq banktiń aqsha-kredıt saıasaty komıtetiniń bazalyq mólsherleme boıynsha kezekti josparly sheshimi bıyl 23 aqpanda jarıalanady.
