Tiri bolsam, qazaqqa qyzmet etpeı qoımaımyn!

Álıhan Bókeıhan

Marat Jylanbaevtyń apelásıasy boıynsha sot sheshimi shyqty

19 qańtar 2024 39
Astana qalasynyń qalalyq soty tirkelmegen opozısıalyq "Alǵa, Qazaqstan!" partıasynyń kóshbasshysy Marat Jylanbaev apelásıalyq shaǵymy boıynsha sheshim shyǵardy, dep habarlaıdy Ulysmedia.kz.

Marat Jylanbaevtyń apelásıalyq shaǵymyn qaraý jabyq rejımde ótti.

Sot apelásıalyq shaǵymdy qanaǵattandyrmady, dep habarlady korespondentke Ulysmedia.kz opozısıanyń advokaty Meıirjan Dosqaraev.

Osylaısha úkim ózgerissiz qaldy.

Úkim qandaı edi

Astananyń qylmystyq ister jónindegi soty Marat Jylanbaevty byltyr qarashada jeti jylǵa sottaǵan edi. Belsendige “tyıym salynǵan uıymnyń qyzmetine qatysty” jáne “terorızmdi qarjylandyrdy” degen aıyptar taǵylǵan.

Jylanbaev álemge tanymal marafonshy

Marat Jylanbaev– qazaqstandyq marafonshy. Keıingi kezde eldegi saıası oqıǵalarǵa aralasyp, saılaýǵa da túspek bolǵan. Partıasyn belsendi tirkeı almady.

Ol álemdegi eń úlken shólderdi jalǵyz júgire alǵan jalǵyz adam. 2022 jyly "Ar-Bedel" qoǵamdyq qory belsendiniń sózderinen keıin eks-prezıdent Nursultan Nazarbaevtyń ar-namysy men qadir-qasıetin qorǵaý týraly is boıynsha Jylanbaevty sotqa bergen. Jylanbaev ol sotta jeńgen edi.
Bul maqala týraly ne oılaısyz?